काठमाडौं (हाम्रो खेलकुद)– बंगबन्धु एसियाली सेन्ट्रल जोन भलिबल च्याम्पियनसिपको दोस्रो खेलमा शुक्रबार नेपाल आयोजक बंगलादेशसँग ३–० को हार बेहोरेको छ । बिहीबार माल्दिभ्समाथि ३–१ सेटको जितमा उत्साहित बनेको नेपालले बंगलादेशलाई पनि कडा टक्कर दिएको थियो । तर, हरेक सेटको अन्त्य अन्त्यतिर टोली सम्हालिन नसक्दा नेपाल २५–२१,२५–२० र २५–२३ को सोझो सेटमा पराजित भएको थियो । बंगलादेशले पहिलो खेलमा अफगानिस्तानलाई ३–१ ले हराएको थियो ।
