2 years ago
October 16, 2022
विजय नेपाली, पोखरा
नवौं राष्ट्रिय खेलकुद प्रतियोगितामा यातायातको व्यवस्थापन राम्रो नहुँदा खेलाडीले सास्ति खेप्नुपरेको छ । गण्डकी प्रदेशको राजधानी पोखरामा भएका विभिन्न खेलमा खेलाडीका लागि यातायातको व्यवस्थापन गतिलो हुँदा खेलाडीले सास्ति खेप्न बाध्य भएका हुन् ।
प्रदेश नं. १ को हक्की टोली आइतबार खेल जितेपछि यातायात व्यवस्थापन नहुँदा १ घण्टाबढी अलपत्र परे । पोखरा लामाचौरमा भएको हक्की खेलमा खेलाडी बोकेर आएको बस हिँडेपछि उक्त स्थानमा रहेको दुई वटा बसले लान नमान्दा प्रदेश १ को टोली अलपत्र परेका हुन् ।
प्रदेश नं. १ महिला हक्की टोलीकी म्यानेजर गंगा कोइराला भुर्तेलले खेल स्थलमा दुई वटा बस खाली रहेपनि आफुहरुलाई लैजान नमानेको सुनाइन् । ‘राखेपले खटाएको दुई वटा गाडी यहि छ । तर खाली हुँदापनि हामीलाई लगेन । हामी १ घण्टाबढी समय देखी पर्खेर बस्यौं । हामीलाई लैजाउ भन्दा बस चालकले लानै मानेनन् । गाडी हुँदा हुँदैपनि हामी कुरेर बस्न बाध्य भयौँ’ उनले भनिन्,‘सबै बेथिति रहेछ । यातायातको व्यवस्था परिषद्ले गर्यो होला तर हामीले आज बस नै पाएनौं ।’
आर्मीको टिम लिएर आएको बसले लान नमानेको उनको भनाइ छ । विहान केही पनि नखाई खेल्न आएका खेलाडी खेलेर थकित भएको अवस्थामा समेत खेलाडी अलपत्र पर्नुपरेको हो । ‘बस चालकले नै किन हो लान मानेनन् । हाम्रो महिला र पुरुषको टिम लिएर आएको गाडी हेम्जा गयो । हामीले कुरेर बस्यौं । आर्मीको टिम लिएर आएको रहेछ । अहिले आर्मी महिलाको खेल थियो । पुरुषहरु हेम्जाबाट यहाँ महिलाको खेल हेर्न आएका रहेछन्,’ भनिन् भने ।
आर्मीको टिमलाई लिएर आएको बसका चालकले आर्मीका खेलाडीलाई छाडेर जान नमानेको बताए । त्यतिमात्र होइन् प्रदेश नं. १ का खेलाडीहरुसँग किट नहुँदा ८ जना खेलाडी मात्रै खेल्न बाध्य भएका थिए । ११ जना खेल्ने भएपनि आवश्यक खेल सामग्रीको अभावमा थोरै खेलाडी लिएरै खेल्न बाध्य भएको हो । पछि मागेर उनीहरुले पूर्ण सेट तयार पारेका थिए । उक्त खेलमा प्रदेश १ ले लुम्बिनी प्रदेशलाई १–० गोल अन्तरले हराएको हो ।
खेलको पहिलो क्वाटरमा पुर्णिमा राइले गरेको गोल नै निर्णयक बन्यो । उनले प्रदेश १ को तर्फबाट १५ औं मिनेटमा गोल गर्न सफल भएकी थिइन् । यो सँगै प्रदेश १ सेमिफाइनलमा प्रवेश गरेको छ । प्रदेशका खेलाडीहरु समेत घाइते छन् । टिम कप्तान सिर्जना तामाङ, रञ्जना चौधरी राजवंशी घाइते छन् ।
प्रदेश १ मात्रै होइन् एनआरएनको फुटबल टोली समेत यातायातको व्यवस्था नहुँदा ढिला गरि पुगेका थिए । यद्यपी उक्त खेल भने प्रोटेस्ट परेका कारण रद्द भएको थियो । पूर्वाधार अभावकै बीच भएको खेलमा यस अघि पनि हक्की खेलमा खेलाडीका लागि जर्सी समयमा नआउँदा ७ घण्टा खेल रोकिएको थियो ।
December 3, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) को आजको दोस्रो खेलमा पोखरा एभेन्जर्स ७४ रनमा अल आउट भएको छ । चितवन राइनोजले पोखरा एभेन्जर्सलाई ८७ रनमा पराजित गरेको हो । मंगलवारको दोस्रो खेलमा चितवनले दिएको १ सय ६२ रनको प्रतिस्पर्धात्मक लक्ष्य पछ्याएको पोखरा ७४ रन बनाउँदै १३.२ ओभरमा अल आउट भएको हो । पोखराका […]
December 3, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) को सुरुवात टिमले चाहे अनुसारको हुन नसकेको विराटनगरका कप्तान सन्दीप लामिछानेले बताएका छन् । सिद्धार्थ बैंक एनपिएलमा सुरुवाती दुई खेलमा लगातार पराजित पछि कुराकानी गर्दै आफु लगायतको प्रदर्शन सोचेको जस्तो आउन नसकेको कप्तान सन्दीपले बताए । ‘टोलीमा म लगायतबाट जुन आशा रहेको थियो । त्यस अनुसारको प्रदर्शन देखाउन सकेका […]
December 3, 2024
काठमाडौं(हाम्रो खेलकुद)- सिद्धार्थ बैंक नेपाल प्रिमियर लिग(एनपिएल)को आजको दोस्रो खेलमा चितवन राइनोजले पोखरा एभेन्जर्सलाई प्रतिस्पर्धात्मक लक्ष्य दिएको छ । मंगलवारको दोस्रो खेलमा चितवनले पोखरालाई १ सय ६२ रनको प्रतिस्पर्धात्मक लक्ष्य दिएको हो । टियु क्रिकेट मैदानमा टस हारेर ब्याटिङको निम्तो पाएको चितवनले निर्धारित २० ओभरमा ७ विकेट गुमाएर १ सय ६१ रनको प्रतिस्पर्धात्मक योगफल तयार […]
