default_image

1 year ago

October 18, 2022

अभावै अभावमा आर्चरी : खेल सकिन लाग्दा पनि सामाग्री आएन

पोखरा (हाम्रो खेलकुद) – बाहिर खुबै हर्ष छ, नवौं संस्करणमा आइपुग्दा आर्चरी खेलमा पहिलो पटक देशभरबाट यति धेरै खेलाडी र टोली सहभागी भएका छन् । भित्री मनमा भने असाध्यै पीडा छ, खेलको महाकुम्भ आयोजना गर्न खेलकुदको सर्वोच्च निकाय राखेपले आवश्यक खेल सामाग्री नै दिएन । आर्चरी खेलको विकास तथा विस्तारमा तन, मन, ध्यान लगाएका आर्चरी […]

381 views

0 Bookmark

पोखरा (हाम्रो खेलकुद) – बाहिर खुबै हर्ष छ, नवौं संस्करणमा आइपुग्दा आर्चरी खेलमा पहिलो पटक देशभरबाट यति धेरै खेलाडी र टोली सहभागी भएका छन् । भित्री मनमा भने असाध्यै पीडा छ, खेलको महाकुम्भ आयोजना गर्न खेलकुदको सर्वोच्च निकाय राखेपले आवश्यक खेल सामाग्री नै दिएन ।

आर्चरी खेलको विकास तथा विस्तारमा तन, मन, ध्यान लगाएका आर्चरी खेलकर्मी सबैको मनोभावना अहिले यस्तै छ । नवौं राष्ट्रिय खेलकुदमा समाविष्ट आर्चरी खेल खेलाउन उनीहरुलाई ठूलो सकस परिरहेको छ । राष्ट्रिय खेलकुद परिषद्लाई पटक पटक समयमै ध्यानाकर्षण गराउँदा पनि मागको कुनै सुनुवाई भएन । खेल सकिने बेला हुँदा पनि न्यूनतम आवश्यकीय खेल सामाग्री प्राप्त भएन । असोज २९ गतेदेखि सुरु खेल कार्तिक २ गते सकिँदैछ ।

आर्चरी संघको केन्द्रदेखि जिल्लासम्मका अधिकारीहरु आफ्नो खेललाई सफलतापूर्वक सम्पन्न गर्न व्यक्तिगत ढंगमै लागिरहेका छन् । अभावै अभावका बीच पनि पोखरा रंगशालाको आर्चरी मैदानमा उल्लासमय ढंगले खेल चलिरहेको छ । खेलहरु अन्नपूर्ण आर्चरी क्लबको पूरानो टार्गेट बोर्ड र टार्गेट फेस प्रयोग गरी भइरहेको छ । जुन खेलाउन योग्य छैनन् ।

एक सय बढी खेलाडी सहभागी प्रतियोगिता तीन ईभेन्टमा खेलाइएको छ । स्टान्डर्ड (३० मिटर), कम्पाउण्ड (५० मिटर) र रिकर्भ (७० मिटर) विधामा खेल भइरहेका छन् । यसका लागि आर्चरी खेल संघका अधिकारीहरुले राखेपसमक्ष ३० वटा टार्गेट बोर्ड, ५ सय टार्गेट फेसको माग गरेको बताउँछन् ।

राखेपले दिने भनिएको सामाग्री सूची ।

‘पहिलो पटक ९ टोलीको सहभागी रहँदा हामी असाध्यै उत्साहित थियौं, छौं । १ सय बढी खेलाडीहरु ३ विधामा स्पर्धा गर्ने हुँदा हामीलाई कम्तिमा ३० वटा टार्गेट बोर्ड आवश्यक हो । टार्गेट फेस पनि नबिग्रिएको स्पष्ट चित्र हुनुपर्छ । त्यसैले ५ सय जति मागेका पनि थियौं ।’ नेपाल आर्चरी संघका अध्यक्ष दीपकराज गुरुङले भने ।

राखेपको प्राविधिक उपसमितिले १० वटा मात्रै टार्गेट बोर्ड र २०० टार्गेट फेस भए पुग्ने भनेर निर्णय गरेपछि संघका अधिकारीहरुले कम्तिमा २० वटा बोर्ड हुनैपर्ने भनेर माग गरेको थियो । तर, २९ गते खेल सुरु हुने बिहान मात्र ७ वटा बोर्ड उनीहरुले फेला पारे । रंगशालामा आइसकेको छ भनेर थाहा भएपछि लिन जाँदा कामै नलाग्ने स्तरको बोर्ड देखिएको महासचिव रमेश प्रसाद शिवाकोटीले बताए ।

‘आर्चरीको टार्गेट बोर्ड भनेर ७ वटा आयो । त्यो काम लाग्ने बोर्ड नै होइन । त्यही बोर्ड पनि आएको थाहा दिएनन् । हेर्दा त सेतो फम् जस्तो, एरो नै वारपार हुने ।’ शिवाकाटीले भने– ‘राखेपले आर्चरी खेलका लागि आवश्यक सामाग्री नै दिएन । अनि कसरी खेलाउने ? तैपनि एकै पटक सकिने खेल २ पटक गरी खेलाएका छौँ । पछाडि पूरानो बोर्ड राखेर कामचलाउ तरिकाले खेलाइरहेका छौं ।’

गण्डकी प्रदेश आर्चरी संघका अध्यक्ष एवं केन्द्रीय वरिष्ठ उपाध्यक्ष बसन्त थकाली आर्चरी खेललाई सफलतापूर्वक सम्पन्न गर्न खटिइरहेका छन् । अहिले आर्चरी खेल यसरी चल्न सकेकै आर्चरी संघको सक्रियताले मात्रै हो । राखेपबाट केही नपाउँदा पनि उनीहरु भोक, थकान नभनी लागिरहेका छन् ।

रंगशालामै आइपुगेको सामान पनि उनीहरुले थाहा पाएका छैनन्, अनअफिसियलबाट थाहा भएपछि गाडीलाई ११ सय तिरेर ७ वटा बोर्डलाई खेलस्थलसम्म लगेको देखियो । कास्की जिल्ला आर्चरी संघका अध्यक्ष योगेन्द्र शेरचन राज्यले आर्चरी खेलमा लगानी गरे राम्राे पदक भित्राउन सकिने बताउँछन् ।

अभाव र भद्रगोलबीच अहिले गण्डकीमा राष्ट्रिय खेलकुद चलिरहेको छ । खेलाडीहरुले उस्तै सास्ती भोगेका छन् भने राखेपले आवश्यक सामाग्री नदिँदा सम्बन्धित खेल संघका अधिकारीहरु पीडामा छन् । आर्चरी संघका महासचिव रमेश प्रसाद शिवाकोटी थप्छन्– ‘एक घण्टासम्म लगातार आतशवाजी गर्न बजेट हुने, खेलका लागि सामान किन्न बजेट नहुने ? राखेप स्वयंले दिने भनेर निर्णय गरेको सामाग्री अझै किन आएन ?’

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

क्यासी स्पोर्टसलाई यु १३ फुटबल उपाधि

गोरखा (हाम्रो खेलकुद)- क्यासी स्पोर्टस् एकेडेमी यु-१३ राष्ट्रिय फुटबल प्रतियोगिताको उपाधि जितेको छ । द ओसन क्लबको आयोजनामा गोरखा नगरपालिका–९ स्थित एस्ट्रो टर्फमा शनिबार थ्री स्टार क्लबलाई पेनाल्टी सुट आउटमा ३-२ ले हराउँदै क्यासी च्याम्पियन बनेको हो ।निर्धारित समयमा १–१ को बराबरी भए पछि खेल पेलान्टी सुटआउटमा गएको थियो । क्यासी २० हजार रुपैयाँ, ट्रफी […]

April 14, 2024

ब्रुनोको दुई गोलमा युनाइटेड हारबाट जोगियो

एजेन्सी – कप्तान तथा मिडफिल्डर ब्रुनो फर्नान्डेसले दुई गोल गरेपछि म्यानचेस्टर युनाइटेड इंग्लिस प्रिमियर लिगमा हारबाट जोगिएको छ । खेलमा दुईपटक पछि परेको स्थितिमा ब्रुनोले दुई गोल गरेपछि युनाइटेडले घरेलु टोली बर्नमाउथसँग २–२ गोलको बराबरी खेलेको हो । बर्नमाउथका डोमिनिक सोलांके र जस्टिन क्लुइभर्टले गोल गरेपनि जित निकाल्न सकेन । बर्नमाउथमा शनिबार राति भएको खेलको […]

Success

Thank you for your time.