7 years ago
December 27, 2016
प्रकाश तिमल्सिना काठमाडौं – बंगलादेशमा जारी एभिसी सेन्ट्रल जोनबाट भलिबल च्याम्पियनसिपबाट कम्तिमा रजत पदक जितेर फर्कने मौका नेपाली टोलीले गुमाइसकेको छ । चार दशक लामो अन्तर्राष्ट्रिय सहभागितामा नेपाललाई त्यस्तो अवसर विरलै मात्र पाइन्छ । लिगको अन्तिम खेलमा सोमबार किर्गिस्तानसँग ३–१ सेटमा पराजित भएपछि नेपाल फाइनल पुग्न असफल भयो । फाइनल पुगेको भए कम्तीमा रजत पदकसहित […]
प्रकाश तिमल्सिना
काठमाडौं – बंगलादेशमा जारी एभिसी सेन्ट्रल जोनबाट भलिबल च्याम्पियनसिपबाट कम्तिमा रजत पदक जितेर फर्कने मौका नेपाली टोलीले गुमाइसकेको छ । चार दशक लामो अन्तर्राष्ट्रिय सहभागितामा नेपाललाई त्यस्तो अवसर विरलै मात्र पाइन्छ । लिगको अन्तिम खेलमा सोमबार किर्गिस्तानसँग ३–१ सेटमा पराजित भएपछि नेपाल फाइनल पुग्न असफल भयो । फाइनल पुगेको भए कम्तीमा रजत पदकसहित नेपाली टोली स्वदेश फर्कन्थ्यो । यद्दपी, नेपाली टोली सामू अर्को पदक जित्ने एउटा मौका अझै बाँकी छ ।
किर्गिस्तान र आयोजक बंगलादेशबीच फाइनल हुनुअघि नेपालले तेस्रो स्थानका लागि माल्दिभ्सको सामना गर्दैछ । माल्दिभ्सलाई हराउन सके नेपाली टोली कांस्य पदक लिएर फर्कनेछ । माल्दिभ्स त्यहि टोली हो जसलाई हराउँदै नेपालले सेन्ट्रल जोनको यात्रा सुरु गरेको थियो । माल्दिभ्सलाई नेपालले १७ बर्षपछि पहिलो पटक यहि च्याम्पियनसिपमा हराएको थियो । गत बर्ष सेन्ट्रल जोनको पहिलो सहभागितामा नेपाल चौथो भएर फर्केको थियो । त्यति बेला तेस्रो स्थानका लागि भएको खेलमा टोली अफगानिस्तानसँग पराजित भएको थियो, यसपटक नेपालले अफगानिस्तानको चुनौतिलाई पनि ३–२ सेटले पार लगाउँदै पदक जितेर फर्कने संकेत गरेको थियो ।
यसपटक अहिले सम्मको प्रदर्शन हेर्दा नेपाल कांस्यको हकदार छ । कांस्य जित्न सके त्यो नेपालको पहिलो अन्तर्राष्ट्रिय पदक हुनेछ । ४० बर्ष लामो अन्तर्राष्ट्रिय सहभागितामा नेपाल पदक विहिन रहँदै आएको छ । त्यसको दाजोमा नेपालको महिला टोलीले भने दक्षिण एसियाली खेलकुद (साग) मा तीन पदक कास्य पदक जितिसकेको छ ।
टोलीका मुख्य प्रशिक्षक जगदिश भट्टलाई किर्गिस्तानसँग भन्दा पनि बंगलादेशसँगको हारमा बढी चित्त दुःखाई छ । ‘किर्गिस्तानबाहेक सहभागी अन्य टोलीको स्तर लगभग समान छ । किर्गिस्तानका खेलाडी अनुभव र उचाईका कारण केही माथि छन्’ उनले भने, ‘तर बंगलादेशलाई हराउन सकेको भए हामीले इतिहास रच्थ्यौं, त्यो हार हाम्रो लागि अलिक महंगो भयो ।’ भट्ट र उनको टोली पदक जित्नेमा आशावादी छ । माल्दिभ्सलाई पहिलो खेलमा हराएका कारण पनि टोली बढी उत्साहि छ । तर, सँगै सचेत पनि । भट्ट भन्छन्,‘माल्दिभ्स पनि राम्रो टोली हो, हिजो पनि बंगलादेशलाई कडा टक्कर थियो । हामीसँग पनि निकै प्रतिस्पर्धा भएको थियो । खेलमा भाग्यको पनि त्यत्तिकै साथ चाहिन्छ । आजको दिन कसका लागि राम्रो छ त्यसमा सफलता निर्भर गर्छ ।’
दुई जना महत्वपूर्ण खेलाडी चोटग्रस्त हुनु नेपाली टोलीका लागि चिन्ताको विषय बनेको छ । टोलीका अलराउन्डर नरेन्द्र गिरी अफगानिस्तानसँगको खेलमा चोटग्रस्त बनेपछि खेल्नै नसक्ने अवस्थामा पुगेका छन् । धनबहादुर भट्टको बायाँ खुट्टामा फोका उठेर खेल्न कठिन भइरहेको छ । त्यसका बाबजुद आजको खेलमा उनलाई खेलाउने प्रशिक्षक भट्टले योजना बनाएका छन् । ‘नेपाल भबिलका लागि यो पदक कति महत्वपूर्ण छ भन्ने हामीले बुझेका छौं’ भट्टले भने,‘यसलाई हामीले दबाब होइन, हौसलाका रुपमा लिनुपर्छ । आज पदक जित्न सके नेपाली भलिबलमा पनि भविष्य देख्ने युवा जमात बढ्ने सम्भावना रहन्छ ।’
तीन बर्षअघि काठमाडौंमा प्रथम दक्षिण एसियाली आमन्त्रण भलिबल च्याम्पियनसिपमा कांस्य पदक जित्नु नेपालको अहिलेसम्मको एकमात्र सफलता हो । एसियाली भलिबल च्याम्पियनसिपको आधिकारिक प्रतियोगितामा आज पदक जित्न सके नेपाली भलिबल एतिहासकै सबै भन्दा ठूलो सफलता बन्नेछ ।
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]
April 26, 2024
काठमाडौं (हाम्रो खेलकुद )- केएनपी नेरोलेक सातौ राष्ट्रिय महिला भलिबल प्रतियोगिताको तेस्रो दिन शुक्रबार लिग चरणका अन्तिम दुई हुँदैछन्। नेपाल पुलिस क्लब र त्रिभुवन आर्मी क्लबबीच पहिलो खेल दिउँसो १ः०० बजे सुरु हुनेछ। साविक विजेता चन्द्रागिरी नगरपालिका न्यु डायमण्ड महिला टिम र एपिएफबीच ३:०० बजे खेल हुनेछ। पुलिसले बिहीबार न्यु डायमण्डलाई हराएपछि प्रतियोगिता रोचक बनेको […]
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]