काठमाडौँ (हाम्रो खेलकुद) – लगातार तीन खेल जित्दै न्यू डाइमन्ड एकेडेमी १२ औँ ढोरपाटन महिला डबल लिग भलिबलको अंकतालिकामा शीर्षस्थानमा पुगेको छ । दुई जितका साथ विभागीय टोली एपिएफ दोस्रो स्थानमा छ ।
नयाँ बसपार्क स्थित कान्तिपुर महलको मैदानमा आइतबार भएको पहिलो खेलमा न्युडामण्डले नेपाल पुलिस क्लबलाई २५–१४,२५–१६,१३–२५ र २५–१३ ले हरायो । दोस्रो खेलमा आफ्नै क्लब न्युडायमण्ड स्पोट्र्सलाई २५–९,२५–९ र २५–४ को सोझो सेटमा हराउदै न्यूडाइमन्डले लगातार तेस्रो जित हात हासिल गरेको थियो ।
एपीएफले पहिलो खेलमा विजेश्वरी ज्ञानमन्दिरलाई २५–६,२५–१२ र २५–९ को सोझो सेटमा हराउदै लगातार दोस्रो जित निकाल्यो । अर्को विभागीय टोली त्रिभुवन आर्मीले विजेश्वरी ज्ञान मन्दिरलाई २५–६,२५–१२ र २५–९ ले हराउदै लिगमा दुई जित हात पा¥यो ।
अन्य खेलमा आयोजक ढोरपाटन स्पोट्स क्लबले चण्डेश्वरी क्लबमाथी ३–२ को रोमाञ्चक जित हात पा¥यो । ढोरपाटन २५–१८, २५–१९,१९–२५,२१–२५,१५–८ ले विजयी भएको थियो । हारको बाबजुत चण्डेश्वरीले एक अंक हात पार्न सफल भयो ।
