7 years ago
January 15, 2017
काठमाडौं(हाम्रो खेलकुद) – १२ औं ढोरपाटन डबल लिग महिला भलिबल प्रतियोगिताको शीर्ष स्थानमा रिड मोडल कलेज उक्लिएको छ । भारतीय राष्ट्रिय खेलाडीको बर्चश्व रहेको स्वयम्भू ठूलो भ¥याङमा अवस्थित रिड मोडल कलेज आफ्नो अपराजित यात्रा कायम राख्दै शीर्ष स्थानमा उक्लिएको हो । बालाजु नयाँ बसपार्कस्थित ढोरपाटन स्पोर्टस् ट्रेनिङ सेन्टरको नवनिर्मित कोर्टमा आइतबार भएका दुबै खेलमा विजय […]
काठमाडौं(हाम्रो खेलकुद) – १२ औं ढोरपाटन डबल लिग महिला भलिबल प्रतियोगिताको शीर्ष स्थानमा रिड मोडल कलेज उक्लिएको छ । भारतीय राष्ट्रिय खेलाडीको बर्चश्व रहेको स्वयम्भू ठूलो भ¥याङमा अवस्थित रिड मोडल कलेज आफ्नो अपराजित यात्रा कायम राख्दै शीर्ष स्थानमा उक्लिएको हो ।
बालाजु नयाँ बसपार्कस्थित ढोरपाटन स्पोर्टस् ट्रेनिङ सेन्टरको नवनिर्मित कोर्टमा आइतबार भएका दुबै खेलमा विजय हासिल गर्न सफल रिड मोडलले पहिलो खेलमा बिजेश्वरी ज्ञान मन्दिर स्कुललाई पराजित ग¥यो भने दोस्रो खेलमा नेपाल पुलिस क्लवलाई पाखा लगाउन सफल भयो ।
आइतबार भएको पहिलो खेलमा बिजेश्वरी ज्ञान मन्दिरलाई २५–६, २५–४ र २५–६ को सोझो सेटले पराजित गरेको रिड मोडलले दोस्रो खेलमा नेपाल पुलिसलाई २५–७, २५–१२ र २५–२० को सोझो सेटमा पाखा लगाउन सफल भयो ।
लिगमा ७ खेल खेलेको रिड मोडलले अपराजित रहँदै २१ अंक जोडेको छ । सशस्त्र प्रहरीको एपीएफ क्लव र न्यु डायमन्ड एकेडेमीको पनि २१ अंक नै भए पनि अपराजितका आधारमा रिड मोडलले शीर्ष स्थानमा रहन सफल भएको हो । रिड मोडलसँग एपीएफ र न्यु डायमन्ड दुवै पराजित भएका थिए । भोलि हुने न्यु डायमन्ड र एपीएफवीचको खेलबाट दोस्रो र तेस्रो स्थानमा रहने टिमको छिनोफानो हुनेछ ।
रिड मोडलले भोलि पहिलो खेल आयोजक ढोरपाटन स्पोर्टस् क्लवसँग खेल्ने छ भने दोस्रो खेलमा नेपाल आर्मीको सामना गर्नेछ ।
आइतबार नै भएको अर्को खेलमा पुरानो नैकापको न्यु डायमन्ड एकेडेमीले पश्चिमाञ्चल क्षेत्रीय भलिबल संघलाई ३–० को सोझो सेटमा पराजित गरेको छ । प्रतिभा माली हावी भएको खेलमा न्यु डायमन्ड २५–१३, २५–१५ र २५–१९ ले विजयी भयो । आफ्नो सातौं खेलमा विजयी भएको न्यु डायमन्ड एकेडेमीले ८ खेलबाट २१ अंक जोडेको छ ।
आइतबारै दोस्रो खेल खेलेको पश्चिमाञ्चलले न्यु डायमन्ड स्पोर्टस् क्लवलाई ३–० को सेटमा पराजित ग¥यो । पश्चिमाञ्चल २५–१४, २५–९ र २५–८ को सेटमा विजयी भयो । त्यसैगरी नेपाल आर्मीले आयोजक ढोरपाटन स्पोर्टस् क्लवलाई २५–१४, २५–१६ र २५–२० को सोझो सेटमा पराजित ग¥यो ।
पश्चिमाञ्चल आफूले खेलेका ९ खेलमध्ये ५ मा जित र ४ मा हार बेहोर्दै १५ अंक जोडेर पाँचौं स्थानमा झरेको छ । नेपाल पुलिस क्लवले ९ खेलबाट १८ अंक जोड्दै लिगको चौथो स्थान कब्जा गरेको छ । त्यसैगरी ८ खेल खेलेको नेपाल आर्मीले ४ जितसँगै १२ अंक जोडेको छ भने आयोजक ढोरपाटन स्पोर्टस् क्लवको ८ खेलबाट ८ अंक जोडेको छ । रामेछापको चन्डेश्वरी युवा क्लवले ९ खेलबाट ७ अंक जोडेको छ । न्यु डायमन्ड स्पोर्टस् क्लवको ९ खेलबाट २ अंक छ भने लिगको पुछारमा रहेको बिजेश्वरी ज्ञान मन्दिरले ९ खेलबाट एक अंक जोडेको छ ।
लिग अन्तर्गत सोमबार पहिलो चरणको अन्तिम ३ खेल हुँदैछ ।
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद )- नेपाल पुलिस क्लबले काठमाडौमा जारी केएनपी नेरोलेक सातौ राष्ट्रिय महिला भलिबल प्रतियोगितामा पहिलो जित दर्ता गरेको छ। त्रिपुरेश्वरस्थित राष्ट्रिय खेलकुद परिषद्को कर्भडहलमा बिहीबारको दोस्रो खेलमा चन्द्रागिरी नगरपालिका न्यु डायमण्ड महिला भलिबल टोलीलाई ३-१ को सेटमा हराउँदै फाइनल पुग्ने सम्भावना जिवित राखेको छ। पुलिस क्लबले न्यु डायमण्डलाई १८–२५,२५–२२, २५–२२ र २५–१८ ले […]
April 25, 2024
काठमाडौं (हाम्रो खेलकुद)- युवा तथा खेलकूद मन्त्री विराजभक्त श्रेष्ठ र अन्तर्राष्ट्रिय ओलम्पिक काउन्सिलकी सदस्य तथा विश्व ट्रायथलनकी अध्यक्ष मारिसोल कसाडोबीच बिहीबार भेटवार्ता भएको छ। खेलकुद मन्त्रालयमा भएको भेटमा नेपाली ट्रायथलनको विकासका लागि छलफल भएको बताइएको छ। कसोडोकोका साथमा नेपाल ओलम्पिक कमिटीका महासचिव तथा नेपाल ट्रायथलन संघका अध्यक्ष निलेन्द्रराज श्रेष्ठ पनि थिए । यस्तै नेपालमा ट्रायथलनको […]