काठमाडौँ (हाम्रो खेलकुद) – राष्ट्रिय टोलीका गोलरक्षक किरण चेम्जोङले माल्दिभ्समा ट्रस्ट एन्ड केयर (टिसी) फुटबल क्लबका लागि बुधबार ‘डेब्यू’ गरेका छन् । तर, किरणको टोली तग बर्षको माल्दिभ्स लिगको विजेता टोली माजिया स्पोर्टस् एन्ड रिक्रियसन क्लबसँगको अभ्यास २–० ले पराजित भएको छ । अन्तिम १५ मिनेटमा उनको टोलीले २ गोल खाएको थियो ।
टिसी फुटबल क्लबका प्रशिक्षकका साथ गोलकिपर किरण ।
टोली पराजित भएपनि किरणका अनुसारले उनले पोस्ट सम्हाल्दा सम्म भने टोलीले गोल खानु परेको थिएन । ७० मिनेटमा उनले मैदान छाड्दा खेल गोलरहित बराबरीमा थियो । ‘माजियामा चार जना विदेशी खेलाडी पनि थिए । हाम्रो पुरा खेलाडी थिएनन्’ किरणले भने, ‘हामी हारेपनि मेरो प्रदर्शनबाट अफिसियल सबै खुसी पाए । अर्को साताबाट ३ जना विदेशी र स्थानिय २ खेलाडी आएपछि हाम्रो प्रदर्शन राम्रो होला ।’ उनी जनवरी ९ मा माल्दिभ्स गएका थिए । किरणको यो दोस्रा विदेशी क्लब हो । उनले सन् २०१० मा चटगाँउ अबाहानीबाट बंगलादेश प्रिमियर लिग खेलेका थिए । घरेलु फुटबलमा मछिन्द्रबाट व्यवसायिक खेल जीवन सुरु गरेका किरणले लामो समय रुस्लान थ्री स्टार क्लबमा विताएका थिए । पछिल्लो एक बर्षयता उनी लक्ष्मी हुन्डाई मनाङ मस्र्याङ्दी क्लबमा आबद्ध थिए ।
