10 months ago
October 13, 2023
काठमाडौं (हाम्रो खेलकुद) – नेपालले श्रीलंकामा जारी काभा पुरुष भलिबल च्यालेन्ज कपको आफ्नो चौथो खेलमा शुक्रबार (आज) साउदी अरेबियासँग खेल्दै छ। खेल नेपाली समयअनुसार दिउँसो १:४५ बजे सुरु हुनेछ ।
च्यालेन्ज कपको शीर्ष दुईमा पुग्नका लागि नेपालका लागि साउदी विरुद्ध जित्नु पर्ने हुन्छ। नेपाली टोली ५ अंकका साथ अंक तालिकाको चौथो स्थानमा छ ।
७ अंक सहित श्रीलंका शीर्ष स्थानमा छ । समान ६ अंक जोडेका अफगानिस्तान दोस्रो र उज्वेकिस्तान तेस्रो स्थानमा छ । पाँचौं स्थानको बंगलादेशको २ र पुछारमा रहेको साउदीको १ अंक छ ।
राउन रोबिन लिगमा ३ चरणको खेल समाप्त हुँदा साउदीले एउटा खेलपनि जित्न सकेको छैन । तुलानात्मक रुपमा कमजोर रहेको साउदीलाई ३-० को सोझो सेटमा हराउने कोशिसमा नेपाली टोली रहनेछ। त्यस्तो नतिजाले लिग चरणमा शीर्ष २ मा पर्ने सम्भावना बलियो हुनेछ।
लिगको अन्तिम खेलमा नेपालले उज्वेकिस्तानको सामना गर्नेछ। आज हुने अन्य दुई खेलमा श्रीलंका र अफगानिस्तान तथा उज्वेकिस्तान र बंगलादेशबीच प्रतिस्पर्धा हुनेछ। च्यालेन्ज कपमा बिहीबार विश्राम दिइएको थियो।
त्यसअघि नेपालले उत्कृष्ट पुनरागमनका साथ अफगानिस्तानमाथि ३-२ सेटको जित निकालेको थियो। दोस्रो खेलमा श्रीलंकासँग ३-० को सोझो सेटमा हारेको नेपालले पहिलो खेलमा बंगलादेशमाथि ३-१ को जित निकालेको थियो।
६ टोलीको सहभागिता रहेको च्यालेन्ज कपमा राउन्ड रोविन लिगपछि अंकतालिकाका शीर्ष २ टोलीले फाइनल तथा त्यसपछिका दुई टोलीले तेस्रो स्थानका लागि प्रतिस्पर्धा गर्नेछन् । फाइनल र तेस्रो स्थानको खेल असोज २८ गते हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]