4 months ago
October 24, 2024
काठमाडौं (हाम्रो खेलकुद)–नेपालले महिला साफ च्याम्पियनसिपमा श्रीलंकाविरुद्ध समूह चरणको अन्तिम खेलको पहिलो रोजाई अघिल्लो खेलका ४ खेलाडी परिवर्तन गरेको छ।
राष्ट्रिय टोलीकी कप्तान तथा गोलकिपर एन्जिला तुम्बापो सुब्बासँगै सावित्रा भण्डारी साम्बा, अमिषा कार्की, अमृता जैसीले सुरुआती ११ मा मौका पाएका छन् ।
माल्दिभ्स विरुद्ध अघिल्लो खेलमा पहिलो रोजाईमा रहेका गोलकिपर अन्जना राना मगर, रश्मीकुमारी घिसिङ, विमला चौधरी र निशा थोकरलाई मुख्य प्रशिक्षक राजेन्द्र तामाङले बेन्चमा राखेका छन्।
रेखा पौडेल, सविता राना मगर, सरु लिम्बु, रेनुका नगरकोटे, विमला विक, प्रिती राई, गिता रानाले निरन्तरता पाएका छन्। खेलमा ४ अंक बटुलेको नेपालले सेमिफाइनलका लागि कम्तीमा बराबरी गर्नुपर्ने छ।
त्रिपुरेश्वरस्थित दशरथ रंगशालामा आजै भएको खेलमा भुटानले माल्दिभ्सलाई १३- ० ले हराउँदै सेमिफाइनलमा स्थान बनाएको थियो। पहिलो खेलमा नेपाल र भुटानले गोल रहित बराबरी खेलेका थिए। नेपालले माल्दिभ्सलाई ११-० र भुटानले श्रीलंकालाई ४-१ ले हराएको थियो।
श्रीलंकालाई ६ गोल गर्दै ५ गोलको अन्तरले जितेमा नेपाल समूह ‘बी’को विजेता बन्नेछ। समूह एबाट बंगालादेश विजेता र भारत उपविजेताका रुपमा अन्तिम ४ मा पुगिसकेका छन् ।
February 12, 2025
एजेन्सी – फ्रान्सेली क्लब पेरिस सेन्ट जेर्मन(पिएसजी), जर्मन क्लब बुरुसिया डर्टमुन्ड र इटालियन क्लब युभेन्टसले च्याम्पियन्स लिगको प्लेअफको पहिलो लेग खेलमा बुधवार जित हात पारेका छन् । पिएसजीले अर्को फ्रान्सेली क्लब ब्रेस्टलाई ३-० ले पराजित गर्यो । ब्रेस्टको घरेलु मैदानमा भएको खेलमा पिएसजीको जितमा ओस्मान डेम्बेलेले २ र भिटिन्हाले १ गोल गरे । भिटिन्हाले २१औं […]
February 12, 2025
एजेन्सी – स्टिभ स्मिथको कप्तानीमा आगामी साताबाट सुरु हुने च्याम्पियन्स ट्रफीका लागि अस्ट्रेलियाको टिम घोषणा भएको छ । अस्ट्रलियन क्रिकेट बोर्डले बुधवार स्मिथको कप्तानीमा १५ सदस्यीय अन्तिम टोलीको घोषणा गरेको हो । प्राम्भिक टोलीमा रहेका ५ खेलाडी अन्तिम अस्ट्रेलियन टोलीमा रहेका छैनन् । प्रारम्भिक टोलीमा रहेका कप्तान प्याट कमिन्स, जोस हेजलवुड र अलराउन्डर मिचेल मार्श […]
February 12, 2025
एजेन्सी – भारतका तीव्र गतिका बलर जसप्रित बुमराहले च्याम्पियन्स ट्रफी गुमाउने भएका छन् । बुमराहले जनवरीमा सिड्नी टेस्टका क्रममा ढाडमा लागेको चोटट पूर्णरुपमा निको नभएपछि च्याम्पियन्स ट्रफी गुमाउने भएका हुन् । बुमराहको पछिल्लो स्वास्थ्य परिक्षण गत साताको अन्तिममा बेंगलुरुमा भएको थियो । बुमराहले चोटका कारण आइसिसीको यो दोस्रो प्रतियोगिता गुमाउने भएका हुन् । बुमराहले ढाडको […]