काठमाडौं (हाम्रो खेलकुद) – प्रवेश पण्डितले भारतमा सम्पन्न आमन्त्रण तेक्वान्दोमा स्वर्ण पदकसहित दुई पदक जितेका छन् । ४५ केजी तौल समूहमा स्वर्ण जितेका प्रवेशले पुम्सेमा रजत पदक जितेका छनु । उनी प्रतियोगिताको वेस्ट फाइटर समेत घोषित भए ।
भारतको अमृतसहरमा भएको प्रतियोगितामा दीपेन्द्रबहादुर नेपालले पनि स्वर्णसहित दुई पटक जिते । ६३ केजी तौलसमुहमा स्वर्ण जितेका उनले पुम्सेमा कास्य पदक प्राप्त गरे । सब्बीर जंग रावलले फाइटतर्फको ४० केजी तौल समुहमा र पुम्से दुवैमा स्वर्ण पदक प्राप्त गरे ।
त्यस्तै फाइटतर्फ ६८ केजी तौलमा रहीस खान र ५२ केजीमा अब्बास खानले स्वर्ण जिते । अब्बासले पुम्सेतर्फ पनि स्वर्ण जितेको थिए । फाइटको ४८ केजीमा मोहम्मद उमर खानले स्वर्ण जित्दा पुम्सेतर्फ रजत पदक जिते । फाइटतर्फकै ३६ केजीमा स्वर्ण पदक जितेका आशिष सुवेदीले पुम्सेमा रजत हात पारे ।
फाइटको ५८ केजीमा सागर तामाङले रजत तथा सितल पर्जाले ५१ केजीमा फाइट र पुम्से दुवैमा रजत पदक जित्न सफल भए । फाइटतर्फ ३२ केजीमा उस्मान कार्की र २८ केजी तौलसमुहमा प्रतिक पाठकले रजत पदक जित्न सफल भए । उस्मान र प्रतिकले पुम्सेमा पनि कास्य पदक जितेको थिए ।
यसअघि पुम्सेमा मात्र सहभागीता जनाएका मोहम्मद कलिमुल्लाह मियाँले स्वर्ण जितेका थिए । चितवन जिल्ला तेक्वान्दो कार्यसमितिका उपाध्यक्ष समेत रहेका रोशन खानको प्रमुख प्रशिक्षण रहेको नेपाली तेक्वान्दो टोलीले पुम्सेमा ४ स्वर्ण,३ रजत र २ कास्य पदक तथा फाइटमा ७ स्वर्ण र ४ रजत पदक जितेको थियो ।
