काठमाडौं (हाम्रो खेलकुद) – नेपाली खेलाडी भुटानमा सम्पन्न भएको अन्तर्राष्ट्रिय तेक्वान्दो च्याम्पियनसिपबाट १९ पदकसहित फर्केका छन् । नेपाली खेलाडीले फाइटतर्फ ४ स्वर्ण,३ रजत र एक कास्य तथा पुम्सेमा ४ स्वर्ण,३ रजत र ४ कास्य पदकसहित सहित कुल १९ पदक जितेका थिए ।

फाइटतर्फ संगीता बस्यालले ६८ केजीमा स्वर्ण पदक जितिन् । त्यस्तै सुमित्रा खत्रीले ७६ केजीमा, पुष्प प्रसाद गौतमले ४५ केजी र सुदिप नेपालीले २८ केजीमा स्वर्ण पदक जिते । विवेक श्रेष्ठले ३१ केजीमा,अस्मिता खड्काले ५२ केजीमा र प्रतिज्ञा राजभण्डारीले ७२ केजीमा रजत पदक प्राप्त गरे । एक मात्र कास्य पदक निराजन चौधरीले ४५ केजीमा जितेका हुन् ।

तेक्वान्दोका सिनियर प्रशिक्षक समेत रहेका विजय शाह ठकुरीले ५० बर्ष मुनीको पुम्सेमा कास्य पदक जिते । ४० बर्ष माथिको टिम पुम्सेमा विजय शाहले अशोक खड्का र सरोज गुरुङसँग मिलेर कास्य पदक जिते । पुम्सेमै रेजिन रिमालले ३९ बर्ष मुनी स्वर्ण दिलाए ।

पुम्सेको २९ बर्षमुनीको पुरुषमा सञ्जिव ओझाले रजत र महिलामा नमिका मोक्तानले रजत तथा ३९ वर्षमुनि राजकुमार माझीले कास्य पदक जिते । पुम्सेतर्फ नै २९ बर्षमुनीको निता गुरुङले स्वर्ण पदक जितिन् । यसै उमेर समुहको युगलमा अस्मिता खड्का र सञ्जिव ओझाले स्वर्ण जिते ।

अस्मिता र निताले नमिता गुरुङले पुम्सेको टिममा स्वर्ण जिते । २९वर्षमुनिको पुरुष टिममा सञ्जिव ओझा, रेजिन रिमाल र प्रदिप आलेको टोलीले कास्य पदक जित्यो । १९ बर्ष मुनिको युगलमा नमिता मोक्तान र प्रदिप आलेले कास्य पदक जितेको राष्ट्रिय टोलीका ब्यवस्थापक हेमन्त डाँगीले जानकारी गराए ।

तेक्वान्दो मुख्य प्रशिक्षक ध्रुवबहादुर गुरुङ टोली नेता, सुमनकुमार खड्का व्यवस्थापक, हेमन्त डाँगी ग्योरोगी प्रशिक्षक, प्रेमबहादुर भण्डारी पुम्से प्रशिक्षक, राजिव महर्जन ट्रेनर, नोर्बु लामा अन्तराष्ट्रिय रेफ्री र सरोज बाँस्कोटा रेफ्रीका रूपमा सहभागी भुटानमा सहभागी भएका थिए ।