काठमाडौं, माघ २४ पदकको आशा गरिएको उसुमा नेपाली खेलाडी विजय सिन्जाली र सुस्मिता तामाङले आइतबार रजत पदक जितेका छन् ।
थाउलोअन्तर्गत छाङ छ्वानको पुरुषमा विजय र महिलामा सुस्मिताले रजत जिते । सिलोङस्थित आसम राइफल्स इन्डोर स्टेडियममा विजय पहिलो भएका श्रीलंकाली खेलाडी पीएलएच लाक्सानसंग झीनो अंक अन्तरले पछि पर्दै रजतमा सीमित हुनु प¥यो । विजयले ८.८० अंक जोडे ।
स्वर्ण विजेता श्रीलंकाली खेलाडीले ८.८६ अंक बनाए । तेश्रो स्थानमा चित्त बुझाएका भारतका अन्जुल लाम्डियोले ८.६६ अंक बटुले ।
सुस्मिताले ८.७२ अंक जोडिन् । पहिलो भएकी भारतकी वाई सपना देवीले ९.४५ तथा तेश्रो भएकी पाकिस्तानकी नाजिया पर्वेजले ६.३० अंक जोडे ।
