झापाको धाईजनमा भएको तेस्रो राष्ट्रिय पुरुष भलिबल लिग प्रतियोगितामा नेपाल पुलिस क्लब र पश्चिमाञ्चल क्षेत्रिय भलिबल सघंले बिहीबार विजयी शुरुवात गरेको छ । धाइजन मोडको भलिबल कोर्टमा भएको उद्धघाटन खेलमा पुलिसले ढोरपाटन भलिबल क्लबलाई ३–० को सोझो सेटमा पराजित गर्‍यो ।

पुलिसले पहिलो सेट २५–१८,दोस्रो २५–१९ र तेस्रो २५–१० ले आफ्नो पक्षमा पादै खेल सहज रुपमा आफ्नो पक्षमा पार्‍यो । पुलिसको जितमा उत्कृष्ट प्रदर्शन गरेका कुल बहादुर थापा म्यान अफ दि म्याच चूनिए । नेपाल भलिबल सघं र विहानी बचत तथा ऋण सहकारी सस्थाको आयोजनामा भएको दोस्रो खेलमा पश्चिमामाञ्चलले मध्यमाञ्चलाई ३–० को सोझो सेटमा स्तब्ध पार्‍यो । पश्चिमाञ्चले पहिलो सेट २५– १८ ले सहज रुपमा आफ्नो पक्षमा पार्दै उत्कृक्ष् शुरुवात गरेको थियो । निकै प्रतिस्पर्धा भएको दोस्रो सेट पनि पश्चिमाञ्चलले २५–१९ ले जित्यो । तेस्रो सेटमा पनि पश्चिमाञ्चलले मध्यमाञ्चलमाथी २५–१० ले हाबी भएसागै पश्चिमाञ्चलले लिगमा विजयी शुरुआत गर्‍यो । पश्चिमाञ्चलको जितमा दिपेन्द्र श्रेष्ठ म्यान अफ दि म्याच घोषित भए ।

यसअघि प्रतियोगिताको उद्घाटन उपराष्ट्रपति नन्द किशोर पुनले गर्नु भएको थियो । सो अवसरमा उपराष्ट्रपति पुनले खेलकुद विश्व शान्तीको महत्वपुर्ण कडि भएको बताउदै खेलकुदको माध्यबाट राष्ट्रिय चिनारीलाई अन्र्तराष्टियकरण गर्नु पर्ने बताउनु भयो । उहााले भलिबल खेल हेर्दा आफ्नो बाल्यकालको स्मरण हुने गरेको प्रसगं कोट्याउदै नेपालको सबै भु–भागमा भलिबल खेल्ने गरेको जनाउदै नेपाल सरकारलाई यसखेललाई विषेश प्राथामिकतामा राखेर अगाडी बढाउन आग्रह गर्नु भयो । कार्यक्रममा एकिकृत एमाओवादीका केन्द्रिय सदस्य एवम् पोलिटब्यूरो सदस्य राम कार्की र एमालेका सभासद मन कुमार गौतम लगायतको उपस्थीती रहेका थियो । कुल चार दिनसम्म हुने प्रतियोगिता ५ बैशाखसम्म हुनेछ ।

लिगमा तीन विभागीय टिम सशस्त्र प्रहरी बलको(एपीएफ),नेपाल पुलिस,नेपाल आर्मी,ढोरपाटन भलिबल प्रशिक्षण केन्द्र,जावलाखेल भलिबल प्रशिक्षण केन्द्र,पश्चिमाञ्चल क्षेत्रिय भलिबल सघं,मध्यमाञ्चल क्षेत्रिय भलिबल सघं र पुर्वाञ्चल क्षेत्रिय भलिबल सघंले प्रतिस्पर्धा गर्दैछन् । राष्ट्रिय लिगमा कुल २१ लाख अनुमानीत लागत लाग्ने नेपाल भलिबल सघंका सदस्य लेखनाथ पराजुलीले बताए । लिग विजेता ३ लाख १५ हजार,उपविजेता १ लाख ५७ हजार र तेस्रोलाई १ लाख १० हजार नगद पुरस्कार र ट्रफि प्राप्त गर्नेछन् । सर्बात्कृष्ट खेलाडीले २५ हजार,विधागत उत्कृष्टले समान ५–५ हजार नगद पुरस्कार ट्रफि मेडल तथा प्रमाणपत्र प्राप्त गर्नेछन् । प्रतियोगिताको उद्धघाटन उपराष्ट्रपति नन्द किशोर पुनले गर्नेछन् । गत सस्करणमा विजेता पुलिसले उपाधी हात पारेको थियो । दोस्रो सस्करण भने पोखरामा सञ्चालन भएको थियो ।