काठमाडौं (हाम्रो खेलकुद) – सशस्त्र प्रहरी महानिरीक्षक छैटौं राष्ट्रिय खुल्ला महिला भलिबल प्रतियोगिताको उपाधि नेपाल एपिएफ क्लबले जितेको छ ।
शुक्रबार सम्पन्न फाईनल खेलमा होंगवाजी न्यु डायमन्डलाई ३-० को सोझो सेटमा पराजित गर्दै एपीएफलले उपाधि जितेको हो । एपीएफले न्यु डायमन्डलाई २५-१२,२५-११ र २५-११ ले पराजित गरेको हो । विजेता एपिएफले २ लाख ५० हजार प्राप्त गर्दा दोस्रो भएको न्यु डायमन्डले १ लाख २५ हजारमा चित्त बुझायो । तेस्रो भएको नेपाल पुलिस क्लवले ५० हजार पायो ।
व्यक्तिगत अवार्डमा पनि एपीएफका खेलाडीको वश्र्चव रह्यो । प्रतियोगिताकै उत्कृष्ट स्पाइकर नेविका चौधरी (एपीएफ), सर्भर प्रतिभा माली (न्यु डायमन्ड), डिफेन्स मनिषा तामाङ्ग(एपीएफ), ब्लाकर सरस्वती चैधरी (एपीएफ), सेटर विनिता बुढाथोकी (एपीएफ) तथा एपीएफकै पुजा चौधरी उदयमान खेलाडी र ज्ञानेन्द्र विष्ट उत्कृष्ट प्रशिक्षक घोषित भए । सबैले समान ५ हजार र ट्रफी प्राप्त गरे ।
एपीएफकी रेश्मा भण्डारी प्रतियोगिताको सवोत्कृष्ट खेलाडी घोषित हुँदै १ थान स्कुटर प्राप्त गरिन् । सम्पूर्ण विजयी टिम र खेलाडीलाई सशस्त्र प्रहरीका महानिरिक्षक शैलेन्द्र खनाले पुरस्कृत गरेका थिए । गत चैत्र १० देखी सुरु भएको प्रतियोगितामा नेपाल एपिएफ, त्रिभुवन आर्मी, नेपाल पुलिस, जावलाखेल भलिबल प्रशिक्षण केन्द्र, न्यु डायमन्ड र ढोरपाटन गरि ६ टिमको सहभागिता थियो ।
