काठमाडौं (हाम्रो खेलकुद)- दोस्रो संस्करणको ‌नेपाल प्रिमियर लिग (एनपिएल) मा चितवन राइनोजले पोखरा एभेन्जर्सलाई जितको लागि १ सय २१ रनको चुनौती दिएको छ।

टस जितेर ब्याटिङ गरेको चितवनले २० ओभरमा ६ विकेट गुमाउँदै १ सय २० रन बनायो। जारी एनपिएलमा पहिले ब्याटिङ गरेर बनेको यो सबैभन्दा कम योगफल हो। यसअघि जनकपुरले काठमाडौं गोर्खाजविरुद्ध १ सय ३० रन बनाएको थियो।

चितवनले बिर्सनलायक सुरुवात गर्यो। पहिलो क्रमका ३ खेलाडी आउट हुँदा ७ रन मात्र बनायो। ओपनर अर्जुन साउद धनन्जय लक्समको बलमा १ रनमा बोल्ड आउट भए। ६ रन जोड्दा पहिलो विकेट गुमायो।

त्यसपछि अर्का ओपनर डविट मलान ५ रनमा लक्समकै बलमा आउट भए। लगत्तै रवि बोपरा पनि मात्र १ रनमा विपन खत्रीको बलमा कुशल भुर्तेलद्वारा क्याच आउट गरे। कुशल उत्कृष्ट वान ह्यान्डेड डाइभ गर्दै क्याच लिए। पहिलो पावर प्ले‌मा चितवनले मात्र २३ रन जोड्दै खराब सुरुवात गर्यो।

यसपछि चौथो विकेटको रूपमा सेफ जेब १७ रन जोडेर रोहित चन्दको बलमा आउट भए। रोहितले एनपिएलको डेब्यु खैलमा नै विकेट लिए। १० ओभरको समाप्तिमा चितवनले ४ विकेट गुमाउँदा ४८ रन मात्र बनायो।

पाँचौं विकेटको रुपमा देव खनाल पबिलियन फर्किए। ४१ बल खेल्दै १ चौका र १ छक्का सहित ३५ रनमा किरण ठगुन्नाको बलमा जेसन रोयद्वारा क्याच आउट भए। यतिखेर टिमले ७० रन बनाएको थियो।

देव नै टोलीको‌ लागि सर्वाधिक रन जोड्ने खेलाडी बने। यसपछि कुशल मल्ल २३ बलमा २३ रन बनाएर लक्समको बलमा आउट भए। यसपछि अल्पेश रामजानी अविजित ३३ रनमा रहे।

बलिङमा धनन्जय लक्समले सर्वाधिक ३ विकेट लिए। विपिन, रोहित र किरणले १/१ विकेट लिए।

त्यसअघि आज भएको पहिलो खेलमा शीर्षस्थानमा रहेको सुदूरपश्चिम रोयल्सलाई ४ विकेटले हराउँदै विराटनगर किंग्स एनपिएलको क्वालिफायर वानमा प्रवेश गरेको ।

क्वालिफायर वानमा विराटनगर र सुदूरपश्चिमबीच खेल हुनेछ। एलिमिनेटरमा काठमाडौं र लुम्बिनी लायन्सबीच खेल हुनेछ।