काठमाडौं (हाम्रो खेलकुद) – आठौं राष्ट्रिय खेलकुदको ओलम्पिक टर्च र्याली विराटनगरबाट शुक्रबार सुरु भएको छ ।
विराटनगरमा ओलम्पियन जितबहादुर केसी, डम्बर कुँवर, विमला राना र मेनुका रावतले र्याली सुरु गरेका छन् । कार्यक्रममा प्रमुख अतिथि प्रदेश न.१ का प्रदेश प्रमुख गोविन्द तुम्बाम्पो, विशेष अतिथि प्रदेश न.१ का सामाजिक विकास मन्त्री जिवन घिमिरे, विराटनगर महानगरपालिकाका मेयर भीम पराजुलीलगायतको उपस्थिति थियो ।
कार्यक्रमको सभापती पूर्वाञ्चल खेलकुद विकास समितिका अध्यक्ष रवीन नगरकोटि ज्युले गर्नुभएको थियो । कार्यक्रममा झन्डै २ सय खेलाडी, खेल, शुभचिन्तक र प्रशिक्षकहरु सम्पूर्णको उपस्थिती थियो ।
नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए) को व्यवस्थापनमा जारी र्याली प्रदेश१ को विराटनगर हुँदै देशव्यापी र्याली वैशाख ५ गते नेपालगंज रंगशालामा उद्घाटन दीप प्रज्वलन (ओलम्पिक टर्च) गरेपछि समापन हुनेछ । कार्यक्रममा १४ ओलम्पियनले सक्रिय सहभागिता जनाउने छन् ।
सबै प्रदेशका प्रतिनिधि ओलम्पियनले र्यालीमा सहभागिता जनाउनेछन् । उद्घाटन समारोहमा दिप प्रज्वलनको कार्यक्रम ओलम्पियन सुरेन्द्र हमालको हातबाट गर्न एनएनआईपीएले आयोजक समितिलाई सिफारिस गरेको छ । भारोत्तोलनका राष्ट्रिय पूर्व खेलाडी तथा पूर्व प्रशिक्षक हमाल नेपालगंजका हुन् । उनले सन् १९८४ को लास एन्जेल्स ओलम्पिकमा नेपालको प्रतिनिधित्व गरेका थिए । कार्यक्रमको सम्पूर्ण खर्च राष्ट्रिय खेलकुद परिषद (राखेप) ले बेहोर्नेछ ।
र्याली तालिका :
चैत २८ गते काठमाडौं बाट विराटनगर
चैत २९ गते प्रदेश नं १ विराटनगरमा विहान ८ बजे कार्यक्रम
चैत २९ गते प्रदेश नं २ धनपामा दिउसो १:३० बजे कार्यक्रम
चैत ३० गते प्रदेश नं ३ हेटौंडा मा विहान ८ बजे कार्यक्रम
चैत ३० गते प्रदेश नं ३ चितवन बाटोमा (बजारमा दौडने)
चैत ३० गते बेलुकी पोखरा पुग्ने
वैशाख १ गते प्रदेश न ४ पोखरामा विहान ८ बजे कार्यक्रम
वैशाख १ गते लुम्बिनी पुगने
वैशाख २ गते विहान लुम्बिनीमा दिपप्रज्वल गर्ने
वैशाख २ गते प्रदेश नं ५ बदनाम ११ वजे कार्यक्रम
वैशाख २ गते बेलुकी मम्म कोहलपुर अथवा सुर्खेत पुगेर बस्ने भोलि पल्ट
वैशाख ३ गते विहान ९ बजे सुर्खेतमा प्रदेश ६ को कार्यक्रम
वैशाख ३ गत धनगढ़ी आईने
वैशाख ४ गते प्रदेश नं ७ धनगढी कैलालीमा ८ वजे कार्यक्रम
वैशाख ४ गते नेपालगंज आईपुग्ने
वैशाख ५ गते नगरपरिक्रमासहित नेपालगंज रंगशालामा दप प्रज्वल गाने
वैशाख ६ गते विहान नेपालगंज बाट काठमाण्डौ आउने ।
र्यालीमा सहभागी हुने ओलम्पियनहरु:
जितबहादुर केसी
हरिबहादुर रोकाया
सुरेन्द्र हमाल
पुष्पराज ओझा
डम्बर कुँवर
दीपक विष्ट
विष्णुबहादुर सिंह
डम्बर दत्त भट्ट
संगिना वैध
विमला रानामगर
पार्वती थापा
मेनुका रावत
अनिता श्रेष्ठ
कमलबहादुर अधिकारी
