काठमाडौं (हाम्रो खेलकुद )- त्रिभुवन आर्मी क्लब केएनपी राष्ट्रिय महिला भलिबल प्रतियोगिताको फाइनलमा पुगेको छ ।
मंगलबार हुने उपाधि भिडन्तमा आर्मीले अर्को विभागिय टोली नेपाल एपिएफको सामाना गर्ने छ ।
आर्मीले सोमबार भएको सेमिफाइनलमा अर्को विभागिय टोली नेपाल पुलिस क्लबलाई ३-१ ले हराएको थियो ।
निरुता ठगुन्नाको उच्च प्रदर्शनबाट प्रेरित आर्मीले पहिलो सेट गुमाए पनि त्यसपछि लगातार तीन सेट जितेको थियो । आर्मी २१-२५,२५-१८,२८-२६,२५-१३ ले जितेको थियो । फाइनल मंगलबार हुनेछ । एपीएफले यसअघि होंगान्जी न्यू डायमन्डलाई ३-० ले पराजित गर्दै उपाधि भिडन्त तय गरिसकेको छ ।
खेलमा उत्कृष्ट प्रदर्शन गरेकी निरुता ठगुन्ना प्लेयर अफ दि म्याच बन्दै ५ हजार रुपैयाँ प्राप्त गरिन् ।
