5 years ago
April 30, 2019
काठमाडौं (हाम्रो खेलकुद) – विभागीय त्रिभुवन आर्मी क्लबले महिला भलिबल टोली निर्माण गरेको पाँच वर्ष मात्रै भएको छ । पाँच वर्षको अवधिमा आर्मीको महिला भलिबल टोलीले दर्जनौ प्रतियोगिता खेलेपनि उपलब्धि हात पार्न सकेको थिएन । यस्तोमा आर्मीको महिला भलिबल टोली राजधानीमा जारी पाँचौं केएनपी राष्ट्रिय महिला भलिबल प्रतियोगिताको फाइनलमा प्रवेश गर्दै उपाधिनजिक पुगेको छ । […]
काठमाडौं (हाम्रो खेलकुद) – विभागीय त्रिभुवन आर्मी क्लबले महिला भलिबल टोली निर्माण गरेको पाँच वर्ष मात्रै भएको छ । पाँच वर्षको अवधिमा आर्मीको महिला भलिबल टोलीले दर्जनौ प्रतियोगिता खेलेपनि उपलब्धि हात पार्न सकेको थिएन । यस्तोमा आर्मीको महिला भलिबल टोली राजधानीमा जारी पाँचौं केएनपी राष्ट्रिय महिला भलिबल प्रतियोगिताको फाइनलमा प्रवेश गर्दै उपाधिनजिक पुगेको छ ।
फाइनलमा आर्मीको मुख्य चुनौती महिला भलिबलमा एकछत्र राज गरिरहेको अर्काे विभागीय टोली नेपाल एपीएफ क्लब हुनेछ । पाँच वर्षे अवधिमा पहिलोपटक फाइनलमा स्थान बनाएको आर्मी महिला भलिबलमा नयाँ च्याम्पियन बन्ने दाउमा मंगलबार मैदानमा उत्रदैछ । आर्मीलाई आफ्नै कभर्डहलमा हुने फाइनलमा समर्थकको साथ रहनेछ ।
महिला भलिबलमा अहिलेसम्म पश्चिमाञ्चल, एपीएफ, न्यु डायमन्ड र पुलिस च्याम्पियन बनेको इतिहास छ । आर्मी मंगलबार महिला भलिबलमा नयाँ च्याम्पियन बन्ने दाउमा हुनेछ । आर्मीको उपाधि यात्राको प्रमुख योजनाकार वरिष्ठ भलिबल प्रशिक्षक कपिल किशोर श्रेष्ठ छन् । नेपाली भलिबलमा एउटा उखानै बनेको छ । ‘जहाँ कपिल, त्यहाँ सफलता’, प्रशिक्षक कपिलले आफुले सम्हालेको टिमलाई लगातार च्याम्पियन बनाएको इतिहास छ । तर, उनले आर्मीको महिला भलिबल टोलीबाट यो सफलता चाख्न पाएको थिएन ।
करिव १६ महिना अघि प्रशिक्षक कपिल किशोर श्रेष्ठ यही संकल्प (आर्मीलाई टिम च्याम्पियन बनाउने) लक्ष्य लिएर आर्मीमा फर्किएका थिए । पछिल्लो १६ महिनाको अवधिमा आर्मीले उतारचढाव पुर्ण प्रदर्शन गरेको थियो । तर, यसपटक आर्मीले उच्च प्रदर्शन गर्दै पहिलोपटक फाइनलसम्मको यात्रा तय गर्न सफल भएको छ । मुख्य गरी एपीएफ, न्यु डायमन्ड, पुलिस र पश्चिमाञ्चलसँग पराजित हुदै आएको आर्मीले यसपटक बलियो आत्मविश्वासी प्रदर्शन गरेको छ ।
आर्मीका प्रशिक्षक कपिल किशोर श्रेष्ठले आर्मीले महिला भलिबल टिम बनाएयता फाइनल पुग्नु अहिलेसम्मकै ठुलो सफलता रहेको बताएका छन् । ‘आर्मीले महिला भलिबल सुरु गरेको पाँच वर्ष मात्रै भएको छ । सुरुवाती समयमा टिम निर्माण गरेपनि म आर्मीमा धेरै समय रहिन । पछिल्लो १६ महिनायता म आर्मीको प्रशिक्षकको रुपमा रहेको छु । खेलाडीमा धेरै परिवर्तन ल्याएको छु,’ प्रशिक्षक श्रेष्ठले भने, ‘विशेषगरी आर्मीमा आत्मविश्वास र फिनिसिङमा समस्या देखिएको थियो । यो प्रतियोगितामा उनीहरुको आत्मविश्वास र फिनिसिङ केही हदसम्म सुधार पाएको छु । टिममा विशेष गरी आत्मविश्वास, ब्लक र सर्भिसमा सुधार भएको छ ।’
यस्तै प्रशिक्षक श्रेष्ठले यो प्रतियोगितामा एपीएफसँग समुह चरणमा ३–२ को हार र पुलिसमाथि ३–१ को जितमा देखिएको आत्मविश्वासलाई दोहो¥याएर खेल्न सके आर्मी च्याम्पियन बन्न सक्ने बताए । उनले एपीएफविरुद्धको फाइनलमा ब्लक र सर्भिसलाई ध्यान दिदै खेल्ने बताए । समूह चरणको खेलमा एपीएफविरुद्ध अन्तिम सेटमा १३-१० को अग्रता लिएपनि अन्तिममा सम्हालिन नसक्दा आर्मी १५-१३ ले पराजित भएको थियो । आर्मी उक्त गल्ति सुधार्दै जित दर्ता गर्न केन्द्रित छ ।
आर्मीले सोमबार भएको सेमिफाइनलमा विभागीय टोली नेपाल पुलिस क्लबको चुनौती ३–१ को सेटमा पन्छाउँदै पहिलोपटक फाइनलमा पुग्न सफल भएको थियो । एपीएफले होङग्वान्जी न्यु डायमन्डलाई ३–० को सोझो सेटमा पराजित गर्दै फाइनलमा स्थान बनाइसकेको छ । मंगलवार आर्मी र एपीएफबीच फाईनल खेल १ बजे हुने छ । खेल हाम्रो खेलकुदडट कमले फेसबुकमा प्रत्यक्ष प्रसारण गर्नेछ ।
April 26, 2024
काठमाडौं (हाम्रो खेलकुद) – सुदूरपश्चिमसँग ३ विकेटले पराजित हुँदा बागमती प्रदेश रन रेटको आधारमा वीर गणेशमान सिंह राष्ट्रिय टी-ट्वान्टी च्याम्पिनसीपको लिग चरणबाट बाहिरिएको छ। जितले बागमती अंक तालिकाको शीर्षस्थानमा रहँदै फाइनलमा पुग्ने थियो। तर हारले रन रेटको आधारमा बाहिरिएको हो। बागमतीको हारमा लुम्बिनी प्रदेश र कर्णाली प्रदेश फाइनलमा प्रवेश गर्न सफल भएका छन्। कम स्कोरको […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]