काठमाडौं (हाम्रो खेलकुद) – दोस्रो चन्द्रागिरी उपमेयर कप खुल्ला छात्रा भलिबल प्रतियोगिताको उपाधि भिडन्तमा घरेलु टोली होङ्ग्वान्जी न्यु डायमन्ड भिड्ने भएको छ ।
न्यु डायमन्डले शुक्रबार विजेश्वरी ज्ञानमन्दिरलाई २५-३, २५-१०, २५-५ ले हरायाे । अर्काे सेमिफाइनल खराव लाइटका कारण राेकिएकाे छ। चाैथाे सेटकाे खेल हुनु अघि पारा माउन्टले थ्री स्टार एकेडेमी विरुद्व २-१ काे अग्रता लिदा लाईट नपुगेपछि खेल राेकिएकाे हाे । खेल शनिबार बिहानै हुने अायाेजक जनाएकाे छ ।
पहिलाे र दाेस्राे सेट पारामाउन्टले २५-१९, २५-१४ ले जितेकाे थियाे । तेस्राे सेट थ्रीस्टारले २५-२० ले जितेकाे थियाे ।
मदन भण्डारी स्पोर्टस् एकेडेमी चन्द्रागिरी नगर कमिटिले भलिबल नेपालको राष्ट्रिय खेल भएको दिनलाई विशेष बनाउने उद्देश्यले गत वर्षदेखि खुल्ला छात्रा भलिबल प्रतियोगिता आयोजना गरेको हो ।
१० टोलीको सहभागिता रहेको प्रतियोगिताको विजेताले ६० हजार नगदसहित शिल्ड, मेडल र प्रमाणपत्र प्राप्त गर्नेछन् । यस्तै दोस्रो र तेस्रो हुनेले क्रमश ३० हजार, १५ हजारनगदसहित शिल्ड, मेडल र प्रमाणपत्र प्राप्त गर्नेछन् । चौथो हुनेले १० हजार रुपैया प्राप्त गर्नेछन् । सर्वाेत्कृष्ट खेलाडी १ हजार ५ सय र व्यक्तिगत विधातर्फ (स्पाइकर, ब्लकर, सर्भर, डिफेन्डर, सेटर) लाई १ हजार रुपैया पाउनेछ । पहिलो संस्करणमा न्यु डायमन्ड एकेडेमी च्याम्पियन बनेको थियो ।
