4 years ago
December 3, 2019
काठमाडौं (हाम्रो खेलकुद) – १३औं दक्षिण एसियाली खेलकुद (साग) अन्तरगत महिला भलिबलमा आज स्वर्णको छिनोफानो हुदैछ । नेपाली राष्ट्रिय महिला भलिबल टोलीले स्वर्णको लागि भारतको सामना गर्दैछ । खेल ४ बजेपछि त्रिपुरेश्वस्थित राखेप कभर्डहलमा शुरु हुनेछ । बलियो भारतलाई स्तब्ध पार्दै नेपाल साग महिला भलिबलमा पहिलो ऐतिहासिक स्वर्ण जित्ने लक्ष्यमा हुनेछ । फाइनल पुगेर इतिहास […]
काठमाडौं (हाम्रो खेलकुद) – १३औं दक्षिण एसियाली खेलकुद (साग) अन्तरगत महिला भलिबलमा आज स्वर्णको छिनोफानो हुदैछ । नेपाली राष्ट्रिय महिला भलिबल टोलीले स्वर्णको लागि भारतको सामना गर्दैछ । खेल ४ बजेपछि त्रिपुरेश्वस्थित राखेप कभर्डहलमा शुरु हुनेछ ।
बलियो भारतलाई स्तब्ध पार्दै नेपाल साग महिला भलिबलमा पहिलो ऐतिहासिक स्वर्ण जित्ने लक्ष्यमा हुनेछ । फाइनल पुगेर इतिहास बनाइसकेको नेपाल थप अर्काे उपलब्धिको खोजीमा रहनेछ । शनिबार भएको सेमिफाइनलमा श्रीलंकामाथि ३–० को सोझो सेटमा जित हात पार्दै फाइनलमा प्रवेश गरेपछि नेपालले कम्तीमा पनि रजतपदक पक्का गरेको थियो ।
नेपाल सागको महिला भलिबलमा पहिलोपटक फाइनलमा प्रवेश गरेको हो । यसअघि नेपाल सेमिफाइनल भन्दा अघि बढ्न सकेको थिएन । यसअघि नेपालले १९९९, २००६ र २०१६ मा कास्य जितेको थियो । भारतविरुद्ध नेपालका लागि प्रतिभा माली र सरस्वती चौधरी मुख्य हतियार हुनेछिन् ।
उनीहरुकै उच्च प्रदर्शनमा नेपालले बंगलादेश र श्रीलंकामाथि ३–० को सहज जित हात पारेको थियो । प्रतिभा र सरस्वतीले समूह चरणमा भारतविरुद्धको पहिलो सेटमा उच्च प्रदर्शन गर्दै पहिलो सेटमा जित नजिक पुगेर पनि पराजित भएको थियो ।
नेपाली टोलीकी कप्तान अरुणा शाहीले फाइनल पुगेर इतिहास रचिसकेको र अब भारतविरुद्ध स्वर्ण जित्ने लक्ष्यमै कोर्टमा उत्रने बताएकी छिन् । उनले समूह चरणमा हार बेहोरेपनि त्यसलाई बिर्सेर टोलीले अझ राम्रो प्रदर्शन गर्न तयार रहेको थपिन् ।
यता, भारत घरेलु समर्थक र घरेलु कोर्टमा नेपाललाई स्तब्ध पार्दै लगातार स्वर्ण आफ्नो पक्षमा पार्ने लक्ष्यमा हुनेछ । नेपालविरुद्ध सुरुवाती सेटमा हार नजिक पुगेर पनि उत्कृष्ट पूनरागमन गर्दै जित निकालेको थियो । भारत सोही प्रदर्शनलाई निरन्तरता दिदै स्वर्ण जित्ने लक्ष्यमा हुनेछ ।
April 26, 2024
काठमाडौं (हाम्रो खेलकुद) – सुदूरपश्चिमसँग ३ विकेटले पराजित हुँदा बागमती प्रदेश रन रेटको आधारमा वीर गणेशमान सिंह राष्ट्रिय टी-ट्वान्टी च्याम्पिनसीपको लिग चरणबाट बाहिरिएको छ। जितले बागमती अंक तालिकाको शीर्षस्थानमा रहँदै फाइनलमा पुग्ने थियो। तर हारले रन रेटको आधारमा बाहिरिएको हो। बागमतीको हारमा लुम्बिनी प्रदेश र कर्णाली प्रदेश फाइनलमा प्रवेश गर्न सफल भएका छन्। कम स्कोरको […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]