4 years ago
December 10, 2019
काठमाडौं (हाम्रो खेलकुद) – १३ औं दक्षिण एसियाली खेलकुद प्रतियोगिता (साग) को अन्तिम दिन आज मंगलबार विभिन्न ५ खेलमा प्रतिस्पर्धा हुँदैछ । मंगलबार बास्केटबल, बक्सिङ, फुटबल, जुडो र स्क्वासमा प्रतिस्पर्धा हुनेछ । सबै स्पर्धा काठमाडौं उपत्यकामा हुनेछ । फुटबलको फाइनलपछि समापन समारोह शुरु हुनेछ । प्रधानमन्त्री केपी शर्मा ओलीले भिडियो कन्फरेन्सबाट सम्वोधन गर्नेछन् । त्यसैगरी […]
काठमाडौं (हाम्रो खेलकुद) – १३ औं दक्षिण एसियाली खेलकुद प्रतियोगिता (साग) को अन्तिम दिन आज मंगलबार विभिन्न ५ खेलमा प्रतिस्पर्धा हुँदैछ ।
मंगलबार बास्केटबल, बक्सिङ, फुटबल, जुडो र स्क्वासमा प्रतिस्पर्धा हुनेछ । सबै स्पर्धा काठमाडौं उपत्यकामा हुनेछ । फुटबलको फाइनलपछि समापन समारोह शुरु हुनेछ । प्रधानमन्त्री केपी शर्मा ओलीले भिडियो कन्फरेन्सबाट सम्वोधन गर्नेछन् । त्यसैगरी प्रधानमन्त्री ओलीले बुधबार खेलाडीको नाममा सम्वोधन गर्दै विशेष प्याकेजको घोषणा गर्ने बुझिएको छ ।
पदक तालिकामा नवौं दिनसम्म भारतले १५३ स्वर्णसहित अग्रता बनाएको छ । नेपालले ४९ स्वर्ण जितेर दोस्रो स्थानमा रहेको छ ।
बास्केटबल
बास्केटबलको अन्तिम दिन मंगलबार महिला र पुरुषमा स्वर्ण र तेस्रो स्थानको लागि खेल हुनेछ । महिलातर्फ कास्यको लागि भुटान र माल्दिभ्स तथा पुरुषतर्फ नेपाल र बंगलादेशबीच खेल हुनेछ । महिलातर्फको कास्यको लागि लागि ८ बजे र पुरुषतर्फको लागि १०ः३० बजे खेल हुनेछ ।
पुरुषतर्फको फाइनलमा भारत र श्रीलंकाबीच अपरान्ह १ः०० बजे तथा महिलातर्फ नेपाल र भारतबीचको फाइनल अपरान्ह ३ः३० बजे राष्ट्रिय खेलकुद परिषद्को कभर्डहल, त्रिपुरेश्वरमा स्वर्णको लागि प्रतिस्पर्धा हुनेछ ।
बक्सिङ
साग अन्तर्गत बक्सिङमा आज ८ स्वर्णका लागि प्रतिस्पर्धा हुदैछ । प्रतिस्पर्धा अपरान्ह १ः०० बजेदेखि, अन्तर्राष्ट्रिय खेलकुद परिसर सातदोबाटोको कराते हलमा हुनेछ ।
फुटबल
नेपाल र भुटानबीच पुरुष फुटबल फाइनल अपरान्ह ३ः०० बजेपछि दशरथ रंगशाला, त्रिपुरेश्वरमा शुरु हुनेछ । त्यसअघि दिनको ११ः५५ बजे सांसद् ११ र राष्ट्र सेवक कर्मचारीबीच मैत्रीपूर्ण फुटबल हुनेछ । नेपाल लगातार दोस्रोपटक च्याम्पियन बन्ने दाउमा रहँदा भुटान इतिहास रच्ने अभियानमा हुनेछ ।
जुडो
साग अन्तरगत जुडोमा मंगलबार १ स्वर्णको लागि प्रतिस्पर्धा हुदैछ । खेल बिहान ९ः०० बजेदेखि सुरु हुनेछ । फाइनल १२ः३५ देखि आर्मी शारीरिक तालिम तथा खेलकुद केन्द्र, लगनखेलमा हुनेछ ।
स्क्वास
स्क्वासमा मंगलबार महिला टिम र पुरुष टिममा स्वर्णका लागि सातदोबाटोस्थित स्क्वास हलमा हुनेछ । महिला र पुरुष टिम इभेन्टसमा स्वर्णका लागि पाकिस्तान र भारतबीच प्रतिस्पर्धा हुनेछ । पुरुषतर्फ कांस्य पदकका लागि नेपाल र बंगलादेशले प्रतिस्पर्धा गर्नेछ ।
April 23, 2024
काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]
April 23, 2024
हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]
April 23, 2024
काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]