5 years ago
August 2, 2020
काठमाडौं (हाम्रो खेलकुद)— राष्ट्रिय खेलकुद परिषद् (राखेप)का सदस्य सचिव रमेशकुमार सिलवालले अबको दुईवर्ष भित्र भलिबलको सुविधा सम्पन्न कभर्डहल बन्ने बताएका छन् । नेपाल भलिबल संघले आफ्नो स्वागतमा आइतबार आयोजना गरेको कार्यक्रममा सदस्य सचिव सिलवालले आगमी दुई वर्षभित्र भलिबलको पूर्वाधार बनाउने बताएका हुन् ।
‘भलिबलको कर्भडहल बनाउने विषयमा यसअघि नै राष्ट्रपति, प्रधानमन्त्री र खेलकुद मन्त्रीका साथै अर्थमन्त्रीसँग पनि छलफल भएको छ । यसमा संघले पनि पहल लिनुपर्दछ । मिलेर गरे नसकिने भन्ने छैन ,’ उनले भने, ‘संघका पदाधिकारीलाई विभिन्न ठाउँमा जग्गा देखाइसकेको छु । कुनै उपयुक्त ठाउमा प्रक्रिया थाल्नेछौ । यसबाहेक सबै प्रदेशमा पनि कभर्डहलको लागि प्रयास गर्नेछौं ।’
भलिबल नेपालको राष्ट्रिय खेल भएपनि आफ्नै पूर्वाधार नहुनु दुर्भाग्य रहेको बताएका सिलवालले पहिलो कार्यकालमा भलिबलले नै आफूलाई सिफारिस गरेको स्मरण गर्दै भलिबलको विकासका लागि आफ्नो सहयोग सधैं रहने प्रष्ट पारे । सिलवालले भलिबलको विकासका लागि अब ग्रासरुट कार्यक्रम गर्नुपर्नेमा जोड दिदै प्रशिक्षकहरु धुलो लाग्ला की जसरी प्रशिक्षण गराईरहेको गुनासो गरे । उनले प्रमुख प्रशिक्षक र प्रशिक्षकले अब त्यस्तो गर्ने छुट नपाउने चेतावनी शैलीमा आफ्नो ध्यानाकर्षण भएको पनि बताए ।
भलिबलमा पुरुषको भन्दा महिलाको सम्भावना बढी देखिए पनि महिला र पुरुषकै उमेर समूह र ब्याकअप टिम बनाएर अघि बढ्न आवश्यक रहेको उल्लेख गर्र्दै उनले भलिबलको अभ्यास सुरु गर्नुपर्नेमा जोड दिए । भलिबललाई माथि उठाउनका लागि फ्रेन्चाइज बेसमा जानुपर्ने बेला आएको र त्यसका लागि कम्तिमा महिला र पुरुषका ८ टिमबीच प्रतिस्पर्धा गराउने गरि अघि बढ्न आग्रह पनि गरे ।
राखेपका नव नियुक्त सदस्य रिम रानाभाटले नेपाली खेलकुदको विकासका लागि आफूहरुलाई सरकारले नियुक्त गरेको बताउँदै नेपाली खेलकुदलाई अन्तराष्ट्रिय करण गर्नुपर्नेमा जोड दिए । यस्तै राखेपका अर्का सदस्य इन्दिरा निरौलाले टिम वर्कमा मात्रै सबै सफल हुने भएकाले खेलकुद बुझेका व्यक्ति नै सदस्य सचिव भएर पुनः आएकाले नेपाली खेलकुदले थप उचाई लिने विश्वास व्यक्त गरिन् ।
संघका महासचिव जीतेन्द्र बहादुर चन्दले कोरोनाका कारण भलिबल संघका कार्यक्रमहरु प्रभावित भएको उल्लेख गर्दै राष्ट्रिय टिमलाई प्रशिक्षणमा फर्काउने अवस्था नरहेको बताए । अवस्था सहज भए रोकिएका घरेलु प्रतियोगिताहरु अर्को महिलाबाट ती प्रतियोगिता सञ्चालन गर्नेमा संघले पहल गर्ने उनले बताए ।
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
काठमाडौं (हाम्रो खेलकुद) – रिभेरा इन्टरनेसनल एकेडेमीले पाँचौं एसियन युथ पारा खेलकुदको तेक्वान्दोमा कास्य पदक जितेकी रेनु तामाङलाई बिहीवार १० हजार रुपैयाँ सहित सम्मान गरेको छ । सोही अवसर उनका प्रशिक्षक कविराज नेगी लामा पनि सम्मानित भए । उनीहरुलाई रिभेराको स्पोर्टस् मिटका अवसरमा राष्ट्रिय खेलकुद परिषद् (राखेप) अन्तर्गत राष्ट्रिय टिम तयारीका निर्देशक ओलम्पियन दिपक विष्ट, […]
December 18, 2025
काठमाडाैं (हाम्रो खेलकुद)- आयोजक बिआइए इन्स्टिच्युटले पहिलोपटक आयोजना भएको ह्विलचेयर रग्बी मैत्रीपूर्ण प्रतियोगिताको उपाधि जितेको छ। बौद्धस्थित डाउनटाउनमा बिहीवार भएको खेलमा बिआइएले स्पाइनल इन्जरी संघ नेपाललाई ५-३ स्कोरले हराउँदै उपाधि हात पारेको हो। गोकर्णेश्वर नगरपालिका वडा नम्बर ५, नेपाल रग्बी संघ तथा नेपाल स्पाइनल कर्ड इन्जरी संघको सहयोगमा सम्पन्न यो प्रतियोगिता नेपालमा ह्विलचेयर रग्बी खेलको […]
