5 years ago
August 5, 2020
काठमाडौं (हाम्रो खेलकुद) – कोरोना भाइरस (कोभिड-१९) संक्रमणपछि राष्ट्रिय खेलकुद परिषद (राखेप) को निर्देशनअनुसार अखिल नेपाल टेबल टेनिस संघले बुधबारदेखि लैनचौरस्थित राष्ट्रिय टेबल टेनिस प्रशिक्षण केन्द्रमा राष्ट्रिय टोलीको प्रशिक्षण सुरु हुने कार्यक्रम राख्यो ।
नवनियुक्त मुख्य प्रशिक्षक सन्जिव कुमार ढुंगेलले संघसँग छलफलपछि प्रशिक्षण सुरु गर्ने निर्णय गरेका थिए । संघले सुरुवातमा आठौं राष्ट्रिय खेलकुदमा क्वाटरफाइनल चरणसम्म पुगेका खेलाडीलाई बोलाउने भनेपनि सहभागी संख्या निकै कम हुने देखेपछि प्रि-क्वाटरफाइनल पुगेका खेलाडीलाई पनि बोलाउने निर्णय गर्यो । यससँगै कुल ३२ खेलाडी प्रशिक्षणमा आउन सक्थे ।
प्रतिकुल अवस्थाका कारण पहिलो दिन २ जना खेलाडी मात्र प्रशिक्षणमा आए । त्रिभुवन आर्मी क्लबकी रविना महर्जन र नेपाल पुलिस क्लबकी सोनु मगर मात्र प्रशिक्षणमा उपस्थित थिए । प्रशिक्षण दिनका लागि भने मुख्य प्रशिक्षक ढुंगेलसँगै राजेन्द्र कपाली, सन्ध्या शाक्य र मोहन बासुकला हलमा उपस्थित थिए । आवश्यक परेको अवस्थामा थप दुई प्रशिक्षक पनि बोलाउन सकिने छ ।
मुख्य प्रशिक्षक ढुंगेलले हालको अवस्थामा उपस्थित हुन सम्भव भएका खेलाडी मात्र आउने बताए । ‘हामीले सुरुवातमा क्वाटरफाइनल भनेपनि खेलाडी धेरै नहुने भएपछि प्रि-क्वाटरफाइनलसम्मका खेलाडी बोलाउने निर्णय गर्यौं । सबै खेलाडीलाई खबर गरेका छौं,’ उनले भने, ‘ उपत्यकाभित्र रहेका खेलाडी प्रशिक्षणमा आउने अपेक्षा गरेका छौं । आज २ जना आउनुभयो । अब केहि दिनमा संख्या बढ्नेछ । ‘
प्रशिक्षक ढुंगेलले आवश्यक परे राखेपको निर्देशानुसार आउने दिनमा प्रशिक्षणलाई अझ अर्को चरणमा लग्नेबारे सोच रहेको बताए । ‘हाललाई कुनै प्रतियोगिता छैन त्यसैले स्वेच्छिक रुपमा सहभागी हुन भनेका छौं । अब राखेपले प्रतियोगितालाई लक्षित गरेर प्रशिक्षण गर्न निर्देशन दिन्छ भने त्यसैअनुसार योजना अघि बढाउँछौं,’ उनले भने, ‘नवौं राष्ट्रिय खेलकुद हुने सम्भावना रहयो भने शीर्ष खेलाडीलाई आवाससहित व्यवस्था गरेर बन्द प्रशिक्षण गर्नेबारे सोचेका छौं ।’
कोरोना महामारीका कारण टेवल टेनिस खेलाडीले गएको चैत महिनादेखि प्रशिक्षण गर्न पाएका छैनन् । नेपाल सरकार, वल्ड हेल्थ अर्गानाइजेसन (डब्लुएचओ) को नियमललाई पालना गर्दै कराते र ब्याडमिन्टनलगायतका खेलहरुको प्रशिक्षण सुरु भइसकेको छ ।
नेपाल सरकारले १ भदौदेखि खेलकुदको प्रशिक्षणको लागि अनुमति दिइसकेको छ । नेपाली राष्ट्रिय फुटबल टोली र क्रिकेट टोलीले १ भदौबाटै प्रशिक्षण थाल्ने योजना बनाएको छ । काठमाडौंबाहिर रहेका फुटबलका खेलाडीहरु अहिले क्वारेन्टिनमा रहेका छन् । उनीहरुले यसैसाता पिसीआर टेस्ट हुँदैछ ।
December 5, 2025
हिमाल खरेल,बिर्तामोड नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा कोशी प्रदेश भलिबल संघलाई ३-० को सोझो सेटमा पराजित गर्दै पुलिस अन्तिम चारमा पुगेको हो । पुलिस समूह विजेता भएको छ । पुलिस १६–२५, १७–२५ र ११–२५ को सोझो सेटमा […]
December 5, 2025
काठमाडौं (हाम्रो खेलकुद)- दोस्रो संस्करणको नेपाल प्रिमियर लिग (एनपिएल) मा आज लुम्बिनी लायन्स र जनपुर बोल्ट्सबीचको खेल हुँदैछ। टियु क्रिकेट मैदानमा टस जितेर जनकपुरले पहिले ब्याटिङ गर्ने निर्णय गरेको छ। जनकपुरले आज कप्तान परिवर्तन गर्दै जान निकोल लोफ्टीलाई जिम्मेवारी दिएको छ। यसअघि दुई खेलमा वायन पार्नेलले कप्तानको जिम्मेवारी निभाएका थिए। यसअघि भने अनिल साह कप्तान […]
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
