4 years ago
September 22, 2020
काठमाडौं (हाम्रो खेलकुद) – नेपाली नेसनल भलिबल टिम फ्यान्स क्लबले चोटबाट ग्रसित भलिबल खेलाडी ओमप्रकाश परियारको उपचारको लागि सहयोग रकम हस्तान्तरण गरेको छ । फ्यान्स क्लबले कास्कीको पोखरामा एक कार्यक्रमकाबीच सहयोग अभियानबाट संकलित ६ लाख ५० हजार १ सय ६३ रुपैयाँ पहिलो चरणमा हस्तान्तरण गरिएको हो । फ्यान्स क्लबका अभियन्ताद्वय लक्ष्मण काप्री र गण्डकी प्रदेश […]
काठमाडौं (हाम्रो खेलकुद) – नेपाली नेसनल भलिबल टिम फ्यान्स क्लबले चोटबाट ग्रसित भलिबल खेलाडी ओमप्रकाश परियारको उपचारको लागि सहयोग रकम हस्तान्तरण गरेको छ ।
फ्यान्स क्लबले कास्कीको पोखरामा एक कार्यक्रमकाबीच सहयोग अभियानबाट संकलित ६ लाख ५० हजार १ सय ६३ रुपैयाँ पहिलो चरणमा हस्तान्तरण गरिएको हो । फ्यान्स क्लबका अभियन्ताद्वय लक्ष्मण काप्री र गण्डकी प्रदेश भलिबल टोलीका सदस्य राजन दर्लामी मगरले संकलित रकम ओम प्रकाश उपचाररत अस्पताल हरियो खर्क नयाँगाँउ पोखरामा पुगेर हस्तान्तरण गरेका थिए ।
फ्यान्स क्लबका अभियन्ताद्धय लक्ष्मण काप्री र गण्डकी प्रदेश भलिबल टोलीका सदस्य राजन दर्लामी मगरको पहलमा ओमप्रकाश परियारको उपचारको लागि गत २० भदौबाट सहयोग अभियान सुरु भएको थियो । फ्यान्स क्लबले शनिबार साँझसम्म सहयोग अभियान चलाएको थियो ।
अभियन्तामध्येका एक लक्ष्मण काप्रीले पहिलो चरणमा संकलन भएको नगद रकम मात्रै हस्तान्तरण गरिएको र दोस्रो चरणमा उठ्न बाँकी रहेका रकम संकलन गरेर हस्तान्तरण गरिने जानकारी गराए । गण्डकी प्रदेश प्रहरी भलिबल टिमका खेलाडी रहेका ओमप्रकाश तनहुँको देवघाटमा ड्युटी सकेर फर्कन क्रममा सडक दुर्घटनामा परि गम्भीर घाइते भएका थिए ।
भलिबल भनेपछि जहाँ पनि खेल्न पुग्ने पर्वतका ओमप्रकाश गत वर्षको १ माघमा तनहुँको देवघाटमा लाग्ने माघे संक्रान्तिको मेलाको ड्युटी सकेर फर्कने क्रममा नेपाल प्रहरी सवार गाडी दुर्घटनामा एक जनाको मृत्यु हुदा उनी पनि घाइतेहरुको सुचीमा रहेका थिए । आर्थिक अवस्था कमजोर रहेका उनको खुट्टा र ढाडको मेरुदण्ड भाँचिएको थियो ।
अभियानबाट संकलित रकम हस्तान्तरण कार्यक्रममा नेपाल भलिबल संघका सल्लाहकार नारायण प्रसाद शर्मा, नेपाल भलिबल संघका सचिव डिबी नेपाली, नेपाल जापान भलिबल संघका पुर्व अध्यक्ष तथा पश्चिमाञ्चल क्षेत्रीय भलिबल संघका उपाध्यक्ष नवीन गुरुङ, पश्चिमाञ्चल क्षेत्रीय खेलकुद विकास समितिका सदस्य तथा सल्लाहकार देवेन्द्र कार्की, पश्चिमाञ्चल क्षेत्रीय भलिबल संघका कोषाध्यक्ष हरि कुमार श्रेष्ठ, अस्पताल व्यवस्थापनका विजय बराल र अमृत कोइरालालगायतको उपस्थिति रहेको थियो ।
April 23, 2024
काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]
April 23, 2024
काठमाडौं (हाम्रो खेलकुद)- नेपाल क्रिकेट टोलीसँगको ५ टि ट्वान्टी खेलका लागि वेस्टइन्डिज क्रिकेट बोर्डले सोमबार ‘ए’ टोली घोषणा गरेको छ । दुई पटकको टि ट्वान्टी विश्वकप विजेता वेस्ट इन्डिजको ए टोलीको कप्तानमा रोस्टन चेस छन् । कीर्तिपुरस्थित त्रिवि मैदानमा यी दुई टोलीबीच पहिलो खेल हुनेछ। सन् २०१६ मा वेस्ट इन्डिजले विश्वकप जित्दाका ब्याटर जोनसन चार्ल्स र […]
April 23, 2024
एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]