काठमाडौं (हाम्रो खेलकुद) – विभागीय डर्वी भिडन्तमा नेपाल एपीएफ क्लबमाथि सोझो सेटमा जित निकाल्दै त्रिभुवन आर्मी क्लबले वाई वाई डाइनामाइट छैटौं एनभिए राष्ट्रिय महिला तथा पुरुष क्लब भलिबल च्याम्पियनसिपमा पुरुषतर्फको फाइनमा टिप टप हेल्प नेपाल स्पोर्ट्स क्लबसँगको भेट पक्का गरेको छ ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शुक्रबार भएको सेमिफाइनलमा आर्मीले एपीएफलाई ३–० को सोझो सेटमा हराउँदै फाइनलमा स्थान पक्का गरेको हो । पहिलो सेटमा २५–१७ को सहज जित निकालेको आर्मीले दोस्रो सेटमा पनि २५–१७ कै सहज जित निकाल्न सफल भयो । तेस्रो सेटमा एपीएफले चुनौती पेश गरेपनि आर्मीले २५–१९ को सहज जित निकाल्दै फाइनलमा पुग्न सफल भयो ।

फाइनल खेल दिउँसो ३ बजे हुनेछ । त्यसअघि बिहान ११ बजे तेस्रो स्थानको लागि नेपाल पुलिस क्लब र नेपाल एपीएफ क्लबभी प्रतिस्पर्धा हुनेछ । त्यसअघि साविकको विजेता टिप टप हेल्प नेपाल स्पोर्ट्स क्लबले विभागीय नेपाल एपीएफ क्लबलाई ३–० को सोझो सेटमा हराउँदै फाइनलमा स्थान पक्का गरेको छ ।

महिलातर्फ उपाधिका लागि नेपाल एपीएफ क्लब र होङ्गान्जी न्यु डायमन्ड स्पोर्ट्स क्लबबीच प्रतिस्पर्धा हुनेछ । आर्मी र पुलिसले तेस्रो स्थानको लागि प्रतिस्पर्धा गर्नेछन् ।