default_image

2 years ago

November 27, 2021

ओलावालेको गोलमा मनाङको दोस्रो जित

काठमाडौं (हाम्रो खेलकुद) – ओलावाले ओलडिपो अफिजको गोल मद्दतमा नेपाल आयल निगम मनाङ–मर्स्याङ्दी क्लबले कतार एअरवेज सहिद स्मारक ‘ए’ डिभिजन लिगमा लगातार दोस्रो जित निकालेको छ । त्रिपुरेश्वरस्थित दशरथ रंगशालामा शनिबार भएको खेलमा मनाङले नेपाल आइस हिमालयन शेर्पामाथि १–० को जित निकाल्दै लिगमा लगातार दोस्रो जित आत्मसात गरेको हो । खेलको तेस्रो मिनेटमा पुजन उपरकोटीको […]

79 views

0 Bookmark

काठमाडौं (हाम्रो खेलकुद) – ओलावाले ओलडिपो अफिजको गोल मद्दतमा नेपाल आयल निगम मनाङ–मर्स्याङ्दी क्लबले कतार एअरवेज सहिद स्मारक ‘ए’ डिभिजन लिगमा लगातार दोस्रो जित निकालेको छ ।

त्रिपुरेश्वरस्थित दशरथ रंगशालामा शनिबार भएको खेलमा मनाङले नेपाल आइस हिमालयन शेर्पामाथि १–० को जित निकाल्दै लिगमा लगातार दोस्रो जित आत्मसात गरेको हो । खेलको तेस्रो मिनेटमा पुजन उपरकोटीको फ्रिकिकमा ओलावाले ओलाडिपो अफिजको हेडर पोस्ट नजिकैबाट बाहिरिदा मनाङ अग्रता लिनबाट चुक्यो ।

४१औं मिनेटमा कप्तान विश्वास श्रेष्ठको फ्रिकिक क्रसबारमा लागेर फर्कदा हिमालयन शेर्पा अग्रता लिनबाट चुक्यो । त्यसमै रिवाउन्डमा अलरिच सिवेको हेडरलाई दिनेश राजवंशीले गोललाइनबाट बचाउँदै मनाङको संकट टारे । ५५औं दयानन्द सिंहको क्रसमा मिनेटम एडेलाजा सोमिडेको हेडर पोस्ट नजिकैबाट बाहिरियो ।

७१औं मिनेटमा नाकाकुरा रियोको क्रसमा पिस्टोन मुताम्बाले पेनाल्टी बक्सभित्र बललाई नियन्त्रणमा लिदै गरेको प्रहार आकासिदा शेर्पाले अग्रता लिने अवसर खेर फाल्यो । ८३औं मिनेटमा निशान लिम्बुको क्रसमा दिपक राईको फ्रि हेडरलाई गोलरक्षक दिप कार्कीले पञ्च गर्दै बचाए ।

लगत्तै ८४औं मिनेटमा ओलावाले ओलाडिपो अफिजले गोल गर्दै मनाङलाई १–० को अग्रता दिलाए । पुजन उपरकोटीको कर्नरमा निशान लिम्बुले फ्लिक गरेको बललाई अनमार्क रहेका ओलावालेले जाली चुमाए । त्यसपछि थप गोल निस्कन नसक्दा मनाङ विजयी हुन सफल भयो ।

जितपछि मनाङ दुई खेलबाट ६ अंक जोड्दै शीर्षस्थानमा उक्लिएको छ । पहिलो हार बेहोरेको शेर्पाको दुई खेलबाट १ अंक छ । मनाङले पहिलो खेलमा जावलाखेल युथ क्लबलाई १–० ले पराजित गर्दा शेर्पाले संकटासँग १–१ गोलको बराबरी खेलेको थियो ।

लिगमा आइतबार एक मात्र खेलमा प्रतिस्पर्धा हुनेछ । नेपाल पुलिस क्लब र जावलाखेल युथ क्लबबीच दिउँसो ४ः४५ बजे प्रतिस्पर्धा हुनेछ ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.