2 years ago
December 4, 2021
काठमाडौं (हाम्रो खेलकुद) – तनावपुर्ण बनेको खेलमा न्युरोड टिम (एनआरटी) र च्यासल युथ क्लबले कतार एअरवेज सहिद स्मारक ‘ए’ डिभिजन लिगमा रोमाञ्चक बराबरी खेलेका छन् ।
वैकल्पिक मिडफिल्डर दिपेश घलेले मैदान प्रवेश गरेको पहिलो मिनेटमा दोस्रो टचमा गोल गरेपछि खेल १–१ गोलको बराबीमा टुंगिएको हो । एनआरटीको गोल लगत्तै खेल केहीवेर तनावपुर्ण बन्न पुगेको थियो ।
रेफ्रीको निर्णयमा असहमति जनाएपछि दुवै टोलीबीच घम्साघम्सी भएको थियो । घम्साघम्सीकै बीचमा यान्निक केट्चाले रन्जन विष्टलाई धक्का दिएपछि उनलाई रेफ्री विश्वास कार्कीले पहेलो कार्ड दिएका थिए ।
त्यसअघि मिडफिल्डर रुमेश बतौंलाको गोलमा च्यासल युथ क्लबले पहिलो हाफमा अग्रता लिएको थियो । कमल श्रेष्ठको कर्नरमा आएको बललाई मेसुके ओउमोउको कमजोर क्लिअरेन्सको फाइदा उठाउँदै अनमार्क रहेका रुमेशले पेनाल्टी बक्सभित्रबाट ४३औं मिनेटमा गोल गरेका थिए ।
खेलको आठौं मिनेटमा स्टेफन विनोङको क्रसलाई च्यासलका कप्तान विराज महर्जनले क्लियर गर्दै बचाए । २१औं मिनेटमा अशोक थापाको क्रसमा क्रिटिसरत्न चुन्जुले पेनाल्टी बक्समा मौका पाएपनि सदुपयोग गर्न नसक्दा एनआरटी अग्रता लिनबाट चुक्यो । उनको वान टच प्रहार पोस्ट नजिकैबाट बाहिरिएको थियो । ३२औं मिनेटमा क्रिटिसरत्न छुुन्जुको प्रहारलाई गोलरक्षक अर्पण कार्कीले अघि बढ्दै बचाए ।
५१औं मिनेटमा मोउसा अवांगाको ३० यार्ड टाढाको प्रहारलाई एनआरटीका गोलक्षक अजित प्रजापतिले पञ्च गर्दै बचाउँदा च्यासल अग्रता दोब्बर पार्नबाट चुक्यो । ७३औं मिनेटमा स्टेफन समिर विनोङको पेनाल्टी बक्सभित्रको प्रहार पोलमा लाग्दै बाहिरिदा एनआरटी बराबरीबाट चुक्यो । लगत्तै स्टेफनकै प्रहारलाई गोलरक्षक अर्पण कार्कीले सहजै नियन्त्रणमा लिए ।
७९औं मिनेटमा वैकल्पिक मिडफिल्डर दिपेश घलेले गोल गर्दै खेललाई १–१ गोलको बरारीमा ल्याए । नवीन गुरुङको कट ब्याकमा मैदान प्रवेश गरेको पहिलो मिनेटमै दोस्रो टचमा दिपशेले गोल गर्न सफल भएका हुन् । बराबरीपछि च्यासलको ३ खेलबाट ४ अंक पुगेको छ । एनआरटीको ३ खेलबाट २ अंक छ ।
May 10, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार भएका खेलमा बागमती युथ क्लब र पुल्चोक स्पोर्ट्स क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा बागमतीले रानीवन स्पोर्ट्स क्लब विरुद्ध ३-१ को जित दर्ता गर्यो । बागमतीको जितमा दिपेश राईले दुई गोल तथा सृजन राज गौतमले एक गोल गरे […]
May 10, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल अखदुद विरुद्ध ३-२ को जित दर्ता गरेको हो । खेलको सातौं मिनेटमा अली अल हसनको पासमा गोल गर्दै मार्सलो ब्रोजोभिचले अल नासरलाई अग्रता दिलाएका थिए । सो अग्रता १५औं मिनेटमा क्रिस्टियानो रोनाल्डोले अल हसनकै पासमा दोब्बर बनाए […]
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]