लन्डन( एजेन्सी)– चेल्सी इङ्लिस प्रिमियर लिगको शीर्षस्थानमा उक्लेको छ । आइतबार मिडल्सब्रोलाई १–० ले हराउँदै चेल्सी शीर्षस्थानमा उक्लेको हो । डिएगो कोस्टाको गोलमा चेल्सीले जित हासिल गरेको थियो ।
लिगमा चेल्सीको यो लगतार छैटौं जित हो । ४१ औं मिनेटमा कर्नरमा आएको बलमा हुलमुलको बीचबाट कोस्टाले सेकेन्डबारमा गोल गरेका थिए । प्रिमियर लिगमा कोस्टाको त्यो दसौं गोल हो । १२ खेलमा चेल्सीको २८ अंक पुगेको छ । समान २७ भएका लिभरपुल दास्रो र म्यानचेस्टर सिटी तेस्रो स्थानमा छ । त्यस्तै चौथो स्थानको आर्सनलको २५, टोटेनह्यामको २४ र म्यानचेस्टर युनाइटेडको १९ अंक छ । अल्लिो दिन सिटीले क्रिस्टल प्यालेसलाई २–१ ले हराएको थियो भने लिभरपुलले साउथ ह्यामन्टनसँग गोलरहित बराबरी खेलको थियो । टोटेनह्यामले वेस्ट ह्याम युनाइटेडलेलाई ३–२ ले हराएको थियो भने युनाइटेड र आर्सनलले १–१ को बराबरी खेलेका थिए ।
