default_image

2 years ago

December 19, 2021

‘हारले आत्तिएनौं, जितले मात्तिने छैनौं’

काठमाडौं (हाम्रो खेलकुद)– कतार एअरवेज सहिद स्मारक ए डिभिजन लिगमा दबाबकाबीच पहिलो जित दर्ता गरेपछि हिमालयन शेर्पा क्लबका प्रशिक्षक युगल किशोर राईले खुसी व्यक्त गरेका छन् । अघिल्ला चार खेलमा २ बराबर र २ हार बेहोरेको हिमालयन शेर्पाले आइतबार ब्रिगेड ब्वाइज क्लब (बिबिसी) लाई ३–१ ले जित्दै अंक तालिकामा फड्को मारेको छ । ए डिभिजन […]

157 views

0 Bookmark

काठमाडौं (हाम्रो खेलकुद)– कतार एअरवेज सहिद स्मारक ए डिभिजन लिगमा दबाबकाबीच पहिलो जित दर्ता गरेपछि हिमालयन शेर्पा क्लबका प्रशिक्षक युगल किशोर राईले खुसी व्यक्त गरेका छन् ।

अघिल्ला चार खेलमा २ बराबर र २ हार बेहोरेको हिमालयन शेर्पाले आइतबार ब्रिगेड ब्वाइज क्लब (बिबिसी) लाई ३–१ ले जित्दै अंक तालिकामा फड्को मारेको छ । ए डिभिजन लिगमा पहिलो पटक क्लब सम्हालेका युगलले पहिलो जित निकालेपछि खुसी साटे ।

‘डेब्यू सिजनमा पहिलो ३ अंक जाड्दा खुसी छु । खेल जितेको भन्दा पनि ३ अंक जोडेकोमा बढी खुसी छु’, उनले भने, ‘तर हामी अघिल्ला खेलहरुमा हार्दा आत्तेका थिएनौं र आज जित्दा पनि मात्तिने छैनौं ।’

उनले लिगमा सुरुवात र अन्त्य एकनास नहुने उदाहरण प्रस्तुत गरे । ‘लिगमा खेलाडीको रुपमा मेरो पनि लामो अनुभव भइसकेको छ । लिगमा सुरुवात राम्रो भएर अन्त्य खराब पनि हुन्छ’, उनले थपे, ‘कहिले सुरुवात कमजोर भएर अन्त्य राम्रो हुन सक्छ । त्यसैले हामी कहिले पनि अत्तिएनौं । अब अहिले मात्तिनौं । यद्दपी दबाब भने हामीमाथि थियो । यो जितले स्वभाविक रुपमा मनोबल बढाउँछ ।’

फुटबलमा जत्ति राम्रो खेलेपनि अन्तत गोल नै महत्वपूर्ण हुने दोहोराए । ‘फुटबलमा गोल नै चाहिन्छ । जति राम्रो खेले पनि । हामीले राम्रो खेलेका खेलमा गोल गर्न सकेनौं । आज गोल निस्कियो र जित्यौं । आज अन्य दिनको भन्दा केहि आक्रामक पनि खेलेका थियौं, ‘उनले भने ।

राई आउने खेलहरु सहज हुँदै जानेमा आशावादी छन् । ‘ठूला लगानी र व्यवस्थापन भएका क्लबमध्ये आर्मीबाहेक सबैसँग खेलिसकेका छौं । त्यसैले अबका खेल केही सहज हुन्छ’, उनले जोडे, ‘हामीसँग नामका स्टार खेलाडी छैनन् तर सबै एकै स्तरका खेलाडी छन् । मेरो लागि सबै स्टार हुन् । सन्तुलित टोली छ । प्रशिक्षणमा जति राम्रो गछौं त्यति मौका पाउने हो । टिममा खेलाडी छनोट गर्न गाह्रो छैन । जसले प्रशिक्षणमा राम्रो गर्छ उसले मौका पाउने भनेर मैले प्रष्ट भनेको छु । त्यसकै आधारमा हामी टोली तयार गर्छौ । टिम सेटका लागि गाह्रो छैन । ‘

यता बिबिसीका प्रशिक्षक सनोज श्रेष्ठले भने कम अनुभव भएका गोलकिपरका कारण हार बेहोर्नुपरेको बताए । ‘पहिलो गोल टिम सेट नहुँदै खायौं । दोस्रोमा गोलरक्षकमा अनुभवको कमीले गर्दा गोल खानुपर्यो’, उनले भने, ‘बी डिभिजनबाट ए डिभिजनमा ल्याएका गोलरक्षक हुन् । पहिलो रोजाईका गोलकिपर पूर्ण चेम्जोङ घाइते भएकाले उनलाई खेलाउनु पर्यो ।’

जितपछि शेर्पा ५ खेलबाट ५ अंक जोडेर आठौं स्थानमा उक्लिएको छ । पराजित बिबिसीको पनि ५ खेलबाट ५ अंक नै छ । हेड टु हेड नतिजाको आधारमा पुलिस नवौं र बिबिसी दशौं स्थानमा छ । पहिलो जित निकालेको शेर्पाले लिगमा चार खेल खेल्दा समान दुई बराबरी र हारको नतिजा निकालेको थियो । दोस्रो हार बेहोरेको बिबिसीले १ जित, दुई बराबरीको नतिजा निकालेको छ ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.