काठमाडौं (हाम्रो खेलकुद) – कतार एअरवेज सहिद स्मारक ‘ए’ डिभिजन लिगमा उपाधि दावेदार नेपाल आयल निगम मनाङ मस्र्याङ्दी क्लब र मछिन्द्र फुटबल क्लबले पहिलो हाफमा बराबरी खेलेका छन् ।

त्रिपुरेशवरस्थित दशरथ रंगशालामा भएको रोमाञ्चक र प्रतिस्पर्धात्मक खेलमा दुवै टोलीले केही अवसर सिजर्न गरेपनि सदुपयोग हुन नसक्दा पहिलो हाफ गोलरहित बराबरीमा सकिएको छ ।

खेलको तेस्रो मिनेटमा एडिलाजा सोमिडेको ओभरहेड किक पोस्ट नजिकैबाट बाहिरियो । १५औं मिनेटमा कप्तान अन्जन विष्टको प्रहार पहिलो बार च्याप्दै बाहिरिदा मनाङ अग्रता लिनबाट चुक्यो । २५औं मिनेटमा विशाल राईको फ्रिकिकमा ओमोलाजा नुरेन करिमको प्रहार सदुपायेग हुन नसक्दा मछिन्द्रले अग्रता लिन सकेन ।

३९औं मिनेटमा नुर्लान नोभ्रुजोभले गोलको सुवर्ण मौका गुमाउँदा मछिन्द्र अग्रता लिनबाट चुसक्यो । डिफेन्डरले क्लियर गर्न नसकेको बललाई नुर्लानले गरेको प्रहार दोस्रो बार च्याप्दै पोस्टबाट थोरै बाहिरिएको थियो ।

आजको खेल दुवै टोलीलाई अंक तालिकाको शीर्षस्थान सँगै एएफसी कप छनोटको लागि पनि उत्तिकै महत्वपूर्ण छ । सातौं चरणको समाप्तिमा शीर्ष स्थानमा रहने टोलीले नेपालको प्रतिनिधित्व गर्दै एएफसी कप छनोट खेल्ने हुनाले पनि यो खेलको महत्व बढेको छ ।

हाल मनाङ ५ खेलमा १३ अंकसहित शीर्ष स्थानमा छ । त्यस्तै मछिन्द्रको ५ खेलमा ११ अंक छ । आज जित हासिल गर्ने टोलीले एएफसी कप छनोट खेल्न बलियो दाबेदारी प्रस्तुत हुनेछ ।