काठमाडौं (हाम्रो खेलकुद)– कतार एअरेवज सहिद स्मारक ए डिभिजन लिगको छैटौं चरणमा मुख्यतः एक नतिजालाई स्मरण गरिनेछ । एएफसी कप छनोटका लागि महत्त्वपूर्ण मानिएको मनाङ मर्स्याङ्दी क्लब र मछिन्द्र फुटबल क्लबको शनिबारको खेल नतिजाका हिसाबले मात्र होइन दर्शकका कारण पनि स्मरणीय रह्यो ।

जारी लिगमा सर्वाधिक झण्डै १० हजार दर्शकले दशरथ रंगशाला पुगेर मछिन्द्र र मनाङको खेल हेरेका थिए । इन्ज्युरी समयमा सुनिल बलले फ्रिकिकमा गरेको गोलमा मछिन्द्रले मनाङलाई १–० ले हराएको थियो । त्यो जित एएफसी कप छनोटको निर्णयका लागि सातौं चरणको नतिजा कुनुपर्ने भयो । मनाङले त्यो खेल जितेको भए सातौं चरणको नतिजा कुनुपर्ने थिएन । तर मछिन्द्रले त्यो महत्वपूर्ण खेल जित्दै मनाङलाई १ अंकले पछाडि पारेको छ ।

क्लब लाइसेन्स प्राप्त ४ नेपाली टोलीले मात्र एएफसी कप छनोटमा प्रतिस्पर्धा गर्न पाउने प्रावधान छ । जसमा मनाङ,मछिन्द्र, त्रिभुवन आर्मी फुटबल क्लब र एपिएफ फुटबल क्लब छन् । एपिएफ पहिला नै छनोटको दौडबाट बाहिरिएको थियो भने छैटौं चरणको नतिजा पछि आर्मी पनि त्यसबाट बाहिरिएको छ । अब मछिन्द्र र मनाङ मात्र दौडमा छन् । अखिल नेपाल फुटबल संघ (एन्फा) को अनुरोधमा सातौं चरणको समाप्तीमा अंक तालिकाको माथि रहने लाइसेन्स प्राप्त टोलीको नाम पठाउने शर्तमा एएफसी छनोटमा समावेश हुने भएको छ । छैटौं चरणमा थ्री स्टारसँग गोलरहित बराबरीमा रोकिएसँगै आर्मीको छनोट सम्भावना टुंगिएको हो ।

छैटौं चरणमा अर्को महत्वपूर्ण जित जावलाखेल युथ क्लबले निकालेको थियो । नवप्रवेशी सातदोबाटो युथ क्लबलाई टोलीले २–० ले हराएको थियो । सुरुका ३ खेलमा सबै हारेको जावलाखेलले पछिल्ला ३ खेलमा ७ अंक जोड्दै रेलिगेसन क्षेत्रबाट निकै माथि उठिसकेको छ ।

छैटौं चरणका अन्य खेलमा थ्री स्टार र आर्मी जस्तै पुलिस र फ्रेन्ड्सले पनि गोलरहित बराबरी खेले । हिमालयन शेर्पासँग ३–० ले पराजित भएपछि च्यासल युथ क्लबमाथि रेलिगेसन खतरा बढेको छ । फ्रेन्ड्स यसअघिबाट अंक तालिकाको पुछारमा रहेर रेलिगेसन दबाब खेपिरहेको छ । एपिएफ र एनआरटीले ३–३ को बराबरी खेले भने अर्को खेलमा संकटाले ब्रिगेड ब्वाइज क्लबलाई ३–० ले हरायो ।

छैटौ चरणमा जम्मा १६ गोल सम्भव भए । अहिले सम्म लिगका ४२ खेलमा ८१ गोल भएको छ । ८१ मध्ये पहिलो हाफमा ३३ र दोस्रो हाफमा ४४ गोल भएको छ । जसमा २६ खेलमा जित हार भएको छ । १६ खेल बराबरीमा टुंगिदा समान ८ खेलमा गोलसहित र गोलरहित बराबरी भएका थिए । सातदोबाटोको अजयी मार्टिनले एपिएफविरुद्ध ह्याट्रिक गरेयता अन्य खेलाडीले ह्याट्रिक गर्न सकेका छैनन् । अहिले सम्म १ सय २६ पहेलो कार्ड र एउटा रातो प्रयोग भएको छ ।

लिगका हालसम्म नतिजा, खेल तालिका, गोलकर्ता, असिस्ट दिने खेलाडी लगायत हरेक खेलाडीको व्यक्तिगत प्रदर्शन हेर्न यहाँ थिच्नुहोस

सहिद स्मारक ‘ए’ डिभिजन लिग २०७८

जम्मा खेलः ४२

जम्मा गोल – ८१

२६ जितको नतिजा

१६ बराबरीको नतिजा [८ खेल गोलरहित, ८ खेल गोलसहित]

ह्याट्रिक – १ [अजायी मार्टिन्स (सातदोबाटो) एपीएफविरुद्ध]

आत्मघाती गोल – २ [करण रावत (सातदोबाटो) एपीएफविरुद्ध, सिमन्त थापा (जावलाखेल) मच्छिन्द्रविरुद्ध]

पहिलो हाफमा गोल – ३३ गोल

दोस्रो हाफमा गोल – ४८ गोल

पहेंलो कार्डः १२६

रातो कार्ड – १ [रोनेल एन्थोनी पउल (फ्रेन्ड्स) सातदोबाटोविरुद्ध (दोहोरो पँहेलो कार्ड)]

पेनाल्टीमा गोल – २ [सुमन लामा (मनाङविरुद्ध), प्रिजेन तामाङ – एपिएफविरुद्ध)]

पेनाल्टी मिस – १ [विकास मेराग्लिया (थ्री स्टारविरुद्ध)]

सर्वाधिक गोलकर्ता

१. अजायी मार्टिन्स – ३+१

२. आशिष लामा (एपिएफ) – १+२+१+

३. सुनिल बल – २+१+१+

४. निरज बस्नेत – १+१+१+

५. सुमन लामा – १+१+१+

६. रुमेश बर्ताैला (च्यासल) – १+१+१+

७. मुताम्वा पिस्टोन (शेर्पा) – १+२+

८. उत्तम राई (संकटा) – १+२+

९. अन्जन विष्ट – २+

१०. रुमेश बर्ताैला – १+१+

११. ओलावाले अफिज – १+१+

१२. दिनेश राजवंशी – १+१+

१३. दिनेश राई – २+

१४. दर्शन गुरुङ (एनआरटी) – २+

१५. सुरेश कुमाल (शेर्पा) – १+१+

१६. विकी तामाङ (एपिएफ) – १+१+

१७. लक्ष्मण रुचाल (संकटा) – १+१+