पोखरा (हाम्रोखेलकुद)- आहा रारा गोल्ड कपको १५औ संस्करण माघको पहिलो हप्ताबाट सुरु हुने भएको छ । प्रतियोगिताक सम्पूर्ण खेलहरु पोखरा रङशालाको खेल मैदानमा खेलिने छ ।
प्रतियोगिताको उद्देश्य पर्यटकीय शहर पोखरालाई स्पोर्ट हब सिटीको रुपमा परिचित गराउँदै नवप्रतिभावान फुटबल खेलाडीहरुलाई आफ्नो खेलकौशल प्रर्दशन गर्ने उचित अवसर प्रदान गर्नुको रहेको छ । सो प्रतियोगिताबाट बचत हुन आउने रकम क्लबद्धारा संञ्चालित सहारा एकेडेमीमा खर्च गरिने छ । हाल तेश्रो ब्याचको एकेडेमीमा १६ जिल्लाका २८ जना बालकहरु आश्रित छन । विगत तिन बर्ष देखि उनीहरुको निशुल्क शिक्षादिक्षा,स्वास्थ्य लगायत फुटबल प्रशिक्षण क्लबद्धारा निर्मित सुविधासम्पन्न आवास गुह सहारा एकेडेमी दोबिल्ला पोखरा–१७ बाट संञ्चालन हुँदै आईरहेको छ ।
