काठमाडौं (हाम्रो खेलकुद) – स्टेफन समिर विनोङ र मेसुके ओलुमोउको गोलमा न्युरोड टिम (एनआरटी) ले कतार एअरवेज सहिद स्मारक ए’ डिभिजन लिगमा फ्रेन्ड्स क्लबविरुद्ध पहिलो हाफमा अग्रता लिएको छ ।

त्रिपुरेश्वरस्थित दशरथ रंगशालामा शुक्रबा भएको खेलको पहिलो हाफमा एनआरटीले फ्रेन्ड्सविरुद्ध २–० को अग्रता लिन सफल भएको हो । खेलको चौथो मिनेटमा नै समिरले गोल गर्दै एनआरटीलाई पहिलो हाफमा १–० को अग्रता दिलाए ।

आन्द्रे थिएरी वियक वियको फ्रिकिकमा आएको बललाई रोनेल एन्थोनी पउलले राम्ररी किलयर गर्न नसकेको बललाई नविन गुरुङको प्रहार स्टेफनसमक्ष पुग्दा उनले एक टर्न लिदै आर्कबाट गरेको प्रहर गोलरक्षक देव लिम्वुले बचाउने कुनै मौका नै पाएन ।

२०औं मिनेटमा मेसुके ओलुमोउले गोल गर्दै एनआरटीको अग्रता दोब्बर पारे । नविन गुरुङको पासलाई स्टेफन समिरले छोडेको बलललाई मेसुकेको मैदानको मध्यभागबाट एकल प्रयासमा गोल गर्न सफल भएका थिए ।

२५औं मिनेटमा नाथानिल जुडे गार्सियाको झन्डै २५ यार्ड टाढाको फ्रिकिक क्रसबारमा लागेर बाहिरिदा फ्रेन्ड्स अग्रता कम गर्नबाच चुक्यो । २९औं मिनेटमा फ्रेन्ड्सका हरि कठायतको क्रसमा कप्तान असिम भुषालको हेडर बाहिरियो । ४२औं मिनेटमा स्टेफनको प्रहार क्रसबारमा लागेर फर्कदा एनआरटीले थप अग्रता बढाउन सकेन ।