2 years ago
January 2, 2022
काठमाडौं (हाम्रो खेलकुद)– नेपालको प्रतिनिधित्व गर्दै एएफसी कप छनोट खेल्ने टोलीको टुंगो आज लाग्नेछ । छनोटको दौडमा कतार एअरवेज सहिद स्मारक ए डिजिभन लिगको शीर्ष टोली मनाङ मर्स्याङ्दी क्लब र दोस्रो स्थानको मछिन्द्र फुटबल क्लब मात्र रहेका छन् । एएफसी कप छनोट खेल्न पाउने एएफसी क्लब लाइसेन्स प्राप्त ४ नेपाली क्लब मध्ये त्रिभुवन आर्मी फुटबल […]
काठमाडौं (हाम्रो खेलकुद)– नेपालको प्रतिनिधित्व गर्दै एएफसी कप छनोट खेल्ने टोलीको टुंगो आज लाग्नेछ । छनोटको दौडमा कतार एअरवेज सहिद स्मारक ए डिजिभन लिगको शीर्ष टोली मनाङ मर्स्याङ्दी क्लब र दोस्रो स्थानको मछिन्द्र फुटबल क्लब मात्र रहेका छन् । एएफसी कप छनोट खेल्न पाउने एएफसी क्लब लाइसेन्स प्राप्त ४ नेपाली क्लब मध्ये त्रिभुवन आर्मी फुटबल क्लब र एपिएफ फुटबल क्लब यसअघि नै छनोटको दौडबाट बाहिरिसकेका छन् ।
मनाङले शनिबार पोखरा रंगशालामा ब्रिगेड ब्वाइज क्लब (बिबिसी) लाई १–० ले हराउँदै लिगको शीर्षस्थानमा फर्कनुका साथै छनोटको सम्भावनालाई जीवित राखेको छ । मनाङको १६ अंक पुगेको छ भने १ खेल कम खेलेको मछिन्द्रको १४ अंक छ । सातौं चरणको समाप्तीमा ४ टोलीमध्ये लिग अंकतालिकाको माथिल्लो स्थानमा रहने टोलीले यसपटक एएफसी कपको छनोट खेल्ने गरि एन्फाले एसियाली फुटबल महासंघ (एएफसी) लाई प्रस्ताव गरेको थियो । सोही अनुरुप आजको नतिजापछि मनाङ र मछिन्द्र मध्ये जो माथिल्लो स्थानमा रहन्छ सोही टोलीले यसपटक एएफसी कप छनोटमा नेपालको प्रतिनिधित्व गर्नेछ ।
यहि पृष्ठ भूमीमा छनोटका लागि जित्नै पर्ने बाध्यताका साथ मछिन्द्रले नेपाल पुलिस क्लबको सामना गर्दैछ । खेल दशरथ रंगशालामा दिउँसो ४:४५ बजे सुरु हुनेछ । पुलिससँग बराबरीमा रोकिए वा पराजित भएको खण्डमा मछिन्द्रको एएफसी कप छनोट खेल्ने सम्भावना सकिनेछ । बराबरीमा मछिन्द्रको १५ अंक मात्र पुग्नेछ । त्यसैले मछिन्द्रसँग जितको विकल्प छैन ।
अघिल्ला ६ खेलमा टोलीले ४ खेलमा जित र २ मा बराबरी खेलेको थियो । जारी लिगमा मछिन्द्र, आर्मी र संकटा क्लबमात्र अपराजित छन् । राष्ट्रिय टोलीका खेलाडीहरुको बाहुल्यता रहेको मछिन्द्रले जितका लागि हर सम्भव प्रयास गर्नेछ ।
अर्कोतर्फ पुलिसले भने जारी लिगमा सन्तोषजनक प्रदर्शन गर्नसकेको छैन । पछिल्ला ६ खेलमा टोलीले १ मात्र जित हासिल गरेको छ भने ३ खेलमा बराबरी गरेको छ । छैटौं चरणमा बराबरी खेलेको पुलिसले त्यसअघिका दुई खेल लगातार गुमाएको थियो । टोली ६ अंकसहित १० औं स्थानमा छ । रेलिगेसन दबाब कम गराउनका लागि पुलिसलाई पनि मछिन्द्रविरुद्धको खेल महत्त्वपूर्ण रहेको छ ।
मनाङले पछिल्लो पटक लिग च्याम्पियनको हैसियतमा २०१९ मा एएफसी कपको समूह चरणमा प्रतिस्पर्धा गरेको थियो । गत संस्करणबाट भने नेपालको टोलीले एएफसी कपको छनोट खेल्नुपर्ने भएको छ ।
यसपटक नेपालबाट अघि बढ्ने टोलीले प्लेअफको पहिलो चरणमा माल्दिभ्सको क्लब भ्यालेन्सिया, भुटानको पारो एफसी र श्रीलंकामध्य एक क्लबसँग खेल्नेछ । दोस्रो चरणमा यी चारमध्य दुई टोलीसँगै भारतको एटिके मोहन बगान र बंगलादेशको ढाका अबाहानी रहेका छन् । यी मध्य एक टोलीले समूह चरणमा स्थान बनाउनेछन् ।
त्यसअघि मनाङले २००६ र २०१४ को एएफसी प्रेसिडेन्ट्स कपमा देशको प्रतिनिधित्व गरेको थियो । २००६ मा समूह चरणबाट बाहिरिएको मनाङ २०१४ मा भने अन्तिम चरणमा पुगेको थियो । त्यसअघि १९८८ मा मनाङले एसियन क्लब च्याम्पियनसिपको छनोट चरण खेलेको थियो ।
April 28, 2024
काठमाडौं (हाम्रो खेलकुद)– कर्णाली प्रदेशले महिला लिग छनोटमा तेस्रो जित हासिल गरेको छ । घरेलु मैदानमा कर्णालीले लुम्बिनी प्रदेशलाई ४–१ ले हराएको हो । सुर्खेतस्थित कर्णाली प्रदेश रंगशालामा भएको खेलमा घरेलु टोलीलाई जित दिलाउन सुनकला राईले २, वर्षा ओली र सन्जिता बम्जोङले समान १ गोल गरे । लुम्बिनकी कप्तान ममता पुनले गोल फर्काइन् । १८ […]
April 28, 2024
हिमाल खरेल, झापाझापाको बुद्वशान्तिमा सुरु भएको तेस्रो आदर्श च्यालेन्ज कप फुटबल प्रतियोगिताको उद्घाटन खेलमा विजयी हुँदै आयोजक आदर्श युवा क्लब सेमिफाइनलमा प्रवेश गरेको छ । ध्रुवतारा स्पोर्टिङ क्लबलाई २-१ले हराउँदै आयोजक अन्तिम चारमा पुगेको हो । आयोजकका लागि खेलको १७ औं मिनेटमा कप्तान पुजन थापाले पहिलो गोल गरे । रोमन भुजेलले दिएको क्रसमा पेनाल्टी बक्समा […]
April 28, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल खालिज माथि १-० को जित निकालेको हो । अल नासरको जितमा डिफेन्डर आईमेरीक लापोर्टले खेलको एकमात्र गोल गरे । ६८औं मिनेटमा मार्सेलो ब्रोजोभिचको क्रसमा उनले हेडर मार्फत गोल गर्दै खेलमा आफ्नो टोलीलाई जित दिलाए । जित पछि […]