4 years ago
January 4, 2022
एजेन्सी – क्याटलान क्लब बार्सिलोनाले स्पेनिस मिडफिल्डर फेरान टोरेसलाई इंग्लिस क्लब म्यानचेस्टर सिटीबाट यसै विन्टर समरमा अनुबन्ध गरेपनि अहिले नै टिममा दर्ता गर्न नसक्ने भएको छ ।
बार्सिलोनाले २१ वर्षीय टोरेसलाई ५५ मिलियन पाउन्डमा यसै साता ५ वर्ष ६ महिनाको लागि अनुबन्ध गरेको हो । सम्झौता अनुसार उनी सन् २०२७ को समर ट्रान्सफरसम्म बार्सिलोनामा रहनेछन् ।
बार्सिलोनाका प्रशिक्षक जाभी हर्नान्डेजले फेरान टोरेसलाई क्लबमा दर्ता गर्नुअघि क्लबले खेलाडीको पारिश्रमिक कटौती अथवा खेलाडी बेच्नुपर्ने बताएका हुन् । क्लबमा दर्ता नभाएका कारण उनले रियल मलोर्कामाथिको १–० को जित निकालेको खेल गुमाएका थिए ।
टोरेस क्लबमा जानको लागि हतास छ तर बार्सिलोना कमजोर आर्थिक अवस्थाका कारण उनलाई तुरुन्तै दर्ता गर्न असमर्थ छ । क्लबको आर्थिक समस्याकै कारण एन्टोइन ग्रिजमन र लुइस सुआरेजलाई बेच्न बाध्य बनेको थियो ।
जबकि बार्सिलोनाले लियोनेल मेस्सीको सम्झौता विस्तार गर्न पनि असफल भएको थियो । एक लोनले टोरेसलाई अनुबन्ध गर्न सहज भएपनि उनलाई अनुबन्ध गर्नुअघि नै बार्सिलोनाले खेलाडी बेच्नुपर्ने वा पारिश्रमिक समायोजन गर्नुपर्ने थियो ।
‘टोरेसलाई दर्ता गर्न अन्य खेलाडी बेच्ने अथवा उनीहरुको पारिश्रमिक समायोजन गर्नुपर्नेछ । यि कुराहरु हुन् नसकेको अवस्थामा उनी क्लबमा दर्ता हुन सक्नेछैन,’ प्रशिक्षक जाभीले भने, ‘केही खेलाडीको पारिश्रमिक समायोजन गर्ने वा केही खेलाडी बेच्ने योजना बनाइरहेका छौं । सम्भवत औसमाने डेम्वेलेको पारिश्रमिक समायोजन हुन सक्नेछ ।’
‘फेरान टोरेस एक खेलाडी र एक व्यक्ति दुवै रुपमा एक सानदार ट्रान्सफर हुन्,’ जाभीले भने, ‘उनी चोटबाट बाहिर आउँदैछन् । उनले उत्कृष्ट प्रदर्शन गर्नेछन्, मलाई यसमा कुनै शंका छैन । उनले विभिन्न पोजिसनबाट खेल्न सक्छन् । क्लबले उनलाई लिन गरेको प्रयासबाट म धेरै खुशी छु ।’
‘हामी हेर्नेछौ कि तलवको स्थिति कस्तो छ, यदि यो तुरुन्तै सम्भव छ । त्यहँ केही खेलाडीहरुले छोड्नुपर्छ । यदि हामीले औसमाने डेम्वेलेलाई आफ्नो सम्झौता रद्द गर्न वा उसको तलव घटाउन पाउछौं भने उनलाई तुरुन्तै दर्ता गर्न सक्छौं । हामी आशा गर्छौ यो हुन सक्छ ।’
स्पेनिस क्लब भ्यालेन्सियाबाट सन् २०२० मा सिटी पुगेका २१ वर्षीय टोरेसको सिटीसँग सन् २०२५ सम्म सम्झौता रहेको थियो । उनले उक्त सम्झौता तोड्दै बार्सिलोना जाने निर्णय गरे । टोरेसले सिटीका लागि ४३ खेलमा १६ गोल गरे । स्पेनको सिनियर टोलीबाट पनि खेलिसकेका टोरेसले २२ खेलमा १२ गोल गरिसकेका छन् ।
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
December 18, 2025
एजेन्सी – रायन चेर्की र साविन्होको गोलमा म्यानचेस्टर सिटीले ब्रेन्टफोर्डलाई २-० ले हराउँदै लिग कपको सेमिफाइनलमा स्थान बनाएको छ। खेलको ३२औँ मिनेटमा चेर्कीले सानदार गोल गर्दै सिटीलाई अग्रता दिलाए। बक्सको छेउमा बल पाएका उनले डिफेन्डरलाई छलाउँदै गोल गरे। दोस्रो हाफमा ब्रेन्टफोर्डले केही अवसर सिर्जना गरे पनि गोल गर्न सकेन। गोलकिपर जेम्स ट्राफोर्डले क्रिस्टोफर आयर र […]
