हाम्रो खेलकुद – सुरुंगा गोल्ड कपको दोश्रो सेमिफाइनल अन्तर्गत आज भएको खेलमा लक्ष्मी हुन्डाई मनाङ मर्श्याँग्दी क्लब रुपन्देही एघारसंग टाइब्रेकरमा ४-३ले पराजित भएको छ।
तस्बिर – सुरेन दाहाल
निर्धारित समय गोलरहित बराबरीमा टुंगिएपछि भएको पेनाल्टीमा रुपन्देहीका विजय धिमालले गोल गर्न सकेनन भने मनाङको लागि सुजल श्रेष्ठ र निराजन मल्ल गोल गर्न असफल रहे। खेलको म्यान अफ द म्याच राष्ट्रिय टोलीका भरपर्दा मिडफिल्डर बिक्रम लामा भए। सेमीफाइनल खेलको लागिनै बिक्रम लामा र बिमल घर्ति मगर आज झापा पुगेका थिए।
जितसंगै रुपन्देहीले शनिबार हुने फाइनलमा एपीएफको सामना गर्नेछ। हिजो भएको अर्को सेमीफाइनल खेलमा एपीएफले पेनाल्टीमा पुलिसलाई पन्छाएको थियो।
