4 years ago
January 5, 2022
काठमाडौं (हाम्रो खेलकुद) – लिगमा अपराजित रहेको संकटा क्लबका क्यामरुनी डिफेन्डर अर्नेस्ट टाम्पी गम्भीर घाइते भएका छन् । क्लबकै प्रशिक्षणका क्रममा चोट बोकेपछि उनी कम्तिमा ६ महिना मैदानबाहिर रहने भएका छन् ।
संकटाको भक्तपुर जिल्लामा अवस्थित प्रशिक्षण स्थलमा उनले सोमबार चोट बोकेका थिए । प्रशिक्षणका क्रममा टर्न गर्ने बेलामा उनको कुर्कुच्चाको माथिल्लो भागमा चोट लागेको हो । उनको दायाँ खुट्टाको फिबुलाको तल्लो भाग भाँचिएको छ । मंगलबार नै उनले मध्यपुर अस्पतालमा शल्यक्रिया गराएको प्रशिक्षक विष्णु गुरुङले जानकारी दिए ।
प्रशिक्षक गुरुङले टाम्पीको चोटले टोलीलाई कठिन हुने बताए । ‘उनको स्थानमा खेल्ने अन्य खेलाडी त छन् । तर उनको जस्तो प्रभाव हुने छैन । हामीले उनको कमी महसुस हुन नदिन अन्य खेलाडी प्रयोग गर्नेछौं, तर उनी उत्कृष्ट खेलाडी हुन् । स्थान पूर्ति गर्न सहज हुने छैन,’ गुरुङले थपे ।
टाम्पीले संकटाका लागि डिफेन्स र रक्षात्मक मिडफिल्ड दुवै भूमिकामा अवस्था अनुसार खेल्दै आएका छन् । रणनीतिक रुपमा निकै लचिलो रहेको गुरुङको संकटामा उनको अनुपस्थितिले टोलीलाई निकै असर गर्नेछ । टाम्पीले दुवै पोजिसनमा प्रभावशाली प्रदर्शन गर्ने क्षमता भएका कारण खेलको अवस्था अनुसार गुरुङले रणनीति परीवर्तन गर्दै आएका थिए ।
टाम्पीले संकटाका लागि सुरुवाती ६ खेलमा नै पूरा ९० मिनेट मैदानमा बिताएका थिए । उनले च्यासलविरुद्ध पछिल्लो खेल भने दोहोरो पहेंलो कार्डका कारण गुमाएका थिए । उनको अनुपस्थितिमा च्यासलको आक्रमणले संकटालाई निकै दबाब दिएको थियो ।
संकटाले टाम्पीको स्थानमा विदेशी कोटामा अर्का खेलाडी अनुबन्ध गर्ने तयारी गरिरहेको बताए । ‘नेपालमा नै खेलिसकेका खेलाडी सम्पर्क गरेका छौं । उनको कागजी प्रक्रिया गर्न केहि समय लाग्छ । अब अर्को खेलमा त सम्भव नहोला । त्यसपछिका लागि ल्याउने प्रयास गर्नेछौं,’ गुरुङले भने ।
संकटाले यसअघि डिफेन्डर दीपेन्द्र विकलाई पनि चोटका कारण गुमाएको थियो । दीपेन्द्रले लिगको सुरुवाती खेलमा नियमित खेलेपनि प्रशिक्षणका क्रममा चोट बोकेका थिए । उनी अर्को साताबाट प्रशिक्षणमा जोडिने प्रशिक्षक गुरुङले जानकारी दिए ।
संकटाले जारी लिगमा अपराजित यात्रा कायम राखेको छ । टोलीले ७ खेलमा ३ जित र ४ बराबरीको नतिजा निकालेको छ । यसक्रममा ९ गोल गर्दा टोलीले ४ गोल खाएको छ । ४ खेलमा टोलीले गोल खाएको छैन । संकटाले शुक्रबार हुने १ बजेको खेलमा सातदोबाटो युवा क्लबको सामना गर्दैछ ।
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
December 18, 2025
एजेन्सी – रायन चेर्की र साविन्होको गोलमा म्यानचेस्टर सिटीले ब्रेन्टफोर्डलाई २-० ले हराउँदै लिग कपको सेमिफाइनलमा स्थान बनाएको छ। खेलको ३२औँ मिनेटमा चेर्कीले सानदार गोल गर्दै सिटीलाई अग्रता दिलाए। बक्सको छेउमा बल पाएका उनले डिफेन्डरलाई छलाउँदै गोल गरे। दोस्रो हाफमा ब्रेन्टफोर्डले केही अवसर सिर्जना गरे पनि गोल गर्न सकेन। गोलकिपर जेम्स ट्राफोर्डले क्रिस्टोफर आयर र […]
