मड्रिड (एजेन्सी)– जिनेदिन जिदानका छोराले डब्यूमा गोल गरेको खेलमा रियल मड्रिडले कोपा डेल रेमा लियोनेसालाई ६–१ ले हराएको छ । रियलका मारियानो मेज्लाले ह्याट्रिक गरे , हामेस रोड्रिग्युजले अर्को गोल थपे । अर्को गोल लियोनेसाका मोरगाडोले आत्मघाती गरे । लियानेसाका यरे गोन्जालेजले एक गोल फर्काए ।

एस क्लासिको अघि रियालले सानदार जित हासिल गर्दा बार्सिलोना भने तेस्रो डिभिजनको क्लबसँग १–१ को बारबरीमा रोकिएको थियो । अघिल्लो महिना अन्तिम ३२ को पहिलो लेगमा ७–१ को जित निकालेको रियल समग्रमा १३–२ को अग्रताका साथ अघि बढेको छ ।
अघिल्लो साता स्पोर्टिङ गिजोनलाई २–१ ले हराएको खेलमा भन्दा बुधबार रातीको खेलमा प्रशिक्षण जिदानेले क्रिस्टियानो रोनाल्डो, करिम बेन्जिमा, लुका मोड्रिचलगायत ८ खेलाडी आराम दिएका थिए । स्टार खेलाडीहरु आराम दिएको खेलमा मौका पाएका मारियानोले प्रभावित पार्ने क्रममा २३ सेकेन्डमै गोल गरेका थिए । सबै खाले प्रतिस्पर्धामा जिदानेको प्रशिक्षणमा मारियानो सबैभन्दा छोटो समयमा गोल गर्ने खेलाडी बने । रोड्रिग्यजुले २३ औं मिनेटमा गोल गरे भने मारियानोले ४२ औं मिनेटमा अर्को गोल थपे । चौथो गोल जिदानेका छोरा इन्जोले ६३ औं मिनेटमा गरे । मारियानोले ८७ औं मिनेटमा ह्याट्रिक पुरा गरे । स्पेनिस ला लिगामा रियल र बार्सिलोनाबीच ६ अंकको अन्तर छ ।