युनाइटेड (एजेन्सी)– एन्थोनी मार्सियल र याल्टान इब्राहिमोभिचले समान २ गोल गरेपछि वेस्ट ह्याम युनाइटेडलाई ४–१ ले हराउँदै म्यानचेस्टर युनाइटेड क्यापिटल वान कपको सेमिफाइनल पुगेको छ ।

वेस्ट ह्यामसँगै आइतबार प्रिमियर लिगको खेलमा १–१ को बराबरीमा रोकिएको युनाइटेडले बुधबार सानदार जित निकाल्दा प्रशिक्षक जोजे माउरिन्हो भने टच लाइनमा थिएनन् । त्यहि बराबरीको खेलमा उनले पानीको बोतलमा लात हान्दै रिस देखाएपछि कारवाहीमा परेका थिए । वेस्टह्यामविरुद्ध प्रिमियर लिगमा बराबरी गोल गरेका इभ्राहिमोचिले बुधबार दोस्रो मिनेटाम गोल गरे । मार्सियलले ४८ औं र ६२ औं मिनेटमा गोल गरे भने इब्राहिमाभिचले इन्जुरी समयमा अर्को गोल थपे । वेस्टह्यामका लागि पहिलो हाफमा एस्ले फ्लेचरले गोल फर्काएका थिए । अर्को खेलमा साउथह्याम्टनले आर्सनललाई २–० ले हराएको छ । पहिलो हाफमा जोर्डी क्लासिया र रायन र्बेटरान्डले गरेको गोलमा साउथह्याम्टन विजयी भएका थिए ।