2 years ago
March 3, 2022
काठमाडौं (हाम्रो खेलकुद)– नवीन न्यौपाने नेपाल सुपर लिग (एनएसएल) टोली पोखरा थन्डर्सको मुख्य प्रशिक्षक नियुक्त भएका छन् । पोखराले बिहीबार प्रेस विज्ञप्ती जारी गर्दै न्यौपानेलाई मुख्य प्रशिक्षक नियुक्त गरेको जनाएको छ । त्यस्तै मछिन्द्र फुटबल क्लबका कप्तान सुजल श्रेष्ठलाई पोखराले मार्की खेलाडीका रुपमा लिएको छ ।
त्रिभुवन आर्मी फुटबल क्लबका मुख्य प्रशिक्षक न्यौपाने गत वर्ष पनि पोखराको प्रशिक्षक नियुक्त भएका थिए । अक्सनमा बसेपछि न्यौपानेले व्यक्तिगत कारणले एनएसएल खेल्दा भने टोलीमा थिएनन् । यसपटकका लागि भने आफू उत्साहित रहेको न्यौपानेले बताएका छन् । न्यौपानको प्रशिक्षणमा आर्मी सहिद स्मारक लिगको पछिल्ला दुई संस्करणमा दोस्रो भएको थियो ।
यसपटक पनि पोखराले प्रशिक्षणको मौका दिएकोमा उनले व्यवस्थापनलाई धन्यवाद दिए । उनले फुटबल विकासका लागि एनएसएल महत्वपूर्ण हुन सक्ने भएपछि फुटबल संघ सरोकारवाल अखिल नेपाल फुटबल संघ (एन्फा) , ए डिभिजन क्लब र एनएसएल आयोजक नेपाल स्पोर्टस् एण्ड इभेन्ट् म्यानेजमेन्टबीच समन्वय हुनुपर्नेमा जोड दिए ।
‘एन्फाले ए डिभिजन, एनएसएल र मोफसलका प्रतियोगिताका लागि मिल्ने गरि क्यालेन्डर बनाउन सके राम्रो हुन्छ,’ उनले भने,‘हामी कहाँ सिमित खेलाडी छन् । लिग, एनएसएल खेल्ने सबैलाई इच्छा हुन्छ । तर समय मिलाउन नसक्दा खेलाडीहरुले विना तयारी खेल्नुपर्ने हुन्छ । यदि यो सबै चिजलाई राम्ररी व्यवस्थापन गर्ने हो भने फुटबल विकास राम्रो हुन सक्छन् ।’
नेपाल स्पोर्टस् एण्ड इभेन्ट म्यानेजमेन्ट (एनइएसएम) को आयोजनामा चैत २६ गतेबाट सुरु हुने भनिएको एनएसएलको दोस्रो संस्करणमा यसपटक ३ नयाँ टोली थपिएपछि कुल १० टोलीबीच प्रतिस्पर्धा हुनेछ । आयोजकले शुक्रबार खेलाडी अक्सन गर्ने जनाएको छ । अक्सनका लागि अखिल नेपाल फुटबल संघ (एन्फा) ले २ सय ४२ खेलाडीलाई तीन क्याटगोरीमा विभाजन गरेको छ ।
एनएसएलमा धनगढी, विराटनगर, काठमाडौं रेजर्स, झापा, पोखरासहित ललितपुर सिटी एफसी, एफसी चितवन, बुटवल लुम्बिनी एफसी र तीन नयाँ टोली झापा एफसी, वीरगञ्ज युनाइटेड र स्पोर्टिङ इलाम डि मेची छन् । यसपटक एनएसएल पोखरा र काठमाडौंमा हुने बताइएको छ ।
May 20, 2024
एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]
May 20, 2024
एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]
May 19, 2024
एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]