3 years ago
March 10, 2022
काठमाडौं (हाम्रो खेलकुद) – साफ यु–१८ महिला च्याम्पियनसिपको लागि नेपाली टोली घोषणा भएको छ । मुख्य प्रशिक्षक दर्शन भक्त राज लावतले बिहीबार प्रशिक्षणमा रहेका ३० सदस्यीय टोलीबाट ७ खेलाडी कटौती गर्दै २३ सदस्यीय टोली घोषणा गरेको हो ।
सम्झना चौधरी, गंगा कुमारी चौधरी, सीमा रावल, विपना स्नेही, अनु राई, सुष्मा जिटी र तुलसा बोहराले अन्तिम टोलीमा स्थान बनाउन सकेनन् । प्रशिक्षक दर्शन भक्त राज लावतले गत १२ फागुनमा प्रारम्भिक चरणमा ४० खेलाडी र त्यसपछि ३० खेलाडी छनोट गरेको थियो ।
नेपाली टोलीले सातदोबाटोस्थित एन्फा कम्प्लेक्समा प्रशिक्षण गरिरहेको छ । टोलीको सहायक प्रशिक्षकमा भगवती थापा रहँदा गोलकिपिङ प्रशिक्षकमा श्री प्रकाश वैद्य रहेका छन् । च्याम्पियनसिप १५ देखि २५ मार्चसम्म भारतको जमसेदपुरमा हुदैछ ।
च्याम्पियनसिपमा आयोजक भारतसँगै नेपाल र बंगलादेशको सहभागिता रहेको छ । यि तीन टोलीले डवल राउन्ड रोविनको आधारमा प्रतिस्पर्धा गर्नेछ । सर्वाधिक अंक बटुल्ने टोली च्याम्पियन बन्नेछ ।
२३ सदस्यीय नेपाली टोली
सावित्री किसान (गोलरक्षक), लिला जोशी (गोलरक्षक), पुजा थापा (गोलरक्षक), सविना चौधरी, मन्जु कुमारी खड्का, प्रतिक्षा चौधरी, कुमारी तामाङ, प्रिया बस्नेत, दिव्या यस्माली मगर, दीपा शाही, हिमा रावत, सरस्वती हमाल, प्रीति राई, सुनकला राई, अन्जली मचामासी, सराह बज्राचार्य, जेनिफर राना, सरिश्मा थापा, सदिपा भोलान, कुसुम खतिवडा, अमिशा कार्की, मनमाया दमाई र गरिमा राई
May 18, 2025
एजेन्सी – च्याम्पियन पेरिस सेन्ट-जर्मेन (पिएसजी ) ले जितेका साथ लिग वान सिजनको अन्त्य गरेको छ।पिएसजीले शनिवार ओसेरमाथि ३-१ को पुनरागमन जित निकालेको हो। अप्रिल ५ मा आङ्जेरलाई हराएर ६ खेल बाँकी छँदै पिएसजीले लगातार चौथो लिग १ उपाधि जितेका थियो।३० औं मिनेटमा लासिन सिनेयोकोले गोल गर्दै ओसेरलाई अप्रत्याशित अग्रता दिलाए। पिएसजीले दोस्रो हाफको ८ […]
May 18, 2025
एजेन्सी – बुन्डेसलिगा च्याम्पियन बनेको बायर्न म्युनिखले होफेनहाइमलाई ४-० ले हराउँदै सिजनको अन्त्य गरेको छ। थोमस मुलरले बायर्नबाट अन्तिम खेल खेले। बायर्नमा १३ वटा बुन्डेसलिगा उपाधि र दुईवटा च्याम्पियन्स लिग जितिसकेका ३५ वर्षीय मुलर यही सिजनको समाप्तिमा सम्झौता सकिएपछि क्लबबाट विदा हुनेछन् । उनले आफ्नो खेल जीवनको महत्वपूर्ण समय बायर्नमा बिताए । मुलरले ५ सय […]
May 17, 2025
एजेन्सी – क्रिस्टल प्यालेसले एफए कपको उपाधि जितेको छ। प्यालेसले पहिलो पटक एफए कपको उपाधि जितेको हो। म्यानचेस्टर सिटीलाई शनिवार १-० ले हराउँदै प्यालेसले उपाधि जितेको हो । एबेरेचे एजेले पहिलो हाफमा गरेको गोल प्यालेसलाई च्याम्पियन बन्न पर्याप्त रह्यो । एजेले १६ औं मिनेटमा गोल गरेका थिए । सिटीका लागि भने यस सिजन बिर्सनलायक बनेको […]
