4 years ago
March 23, 2022
काठमाडौं (हाम्रो खेलकुद)– नेपाल सुपर लिग (एनएसएल) पूर्व निर्धारित मिति अनुसार नै हुने भएको छ । अखिल नेपाल फुटबल संघ (एन्फा) ले बुधबार एनएसएलको आयोजक नेपाल स्पोर्टस् एण्ड इभेन्ट मेनेजमेन्ट (एनएसइएम) प्रालिका प्रमुख कार्यकारी अधिकृत सुदीप शर्मालाई पत्र पठाउँदै आयोजनाको लागि अनुमति प्रदान गरेको जानकारी गराएको छ ।
एनएसएलको दोस्रो संस्करण चैत २५ देखि जेठ १ गते सम्म आयोजना गर्न अनुमति माग बमोजिम सोहि दिनमा सञ्चालन गर्न स्वीकृति दिएको एन्फाले पत्रमा लेखेको छ । एनएसएलका कारण उत्पन्न विवाद समाधानका लागि एन्फाले अध्यक्ष कर्मा छिरिङ शेर्पाको संयोजकत्वमा ७ सदस्यीय कार्यदल गठन गरेको थियो । एनएसएलका कारण फुटबलमा अन्यौलता बढेको भन्दै विरोधमा रहेका ए डिभिजनका ४ क्लबका प्रतिनिधि र एनएसएल आयोजकसँग बुधबार कार्यदलले अलग अलग छलफल गरेको थियो ।
एन्फाले आवश्यक छलफल गर्नुपर्ने भन्दै आइतबारका लागि एनएसइएमले तय गरेको टाइसिट ड्र रोक्न भनेको थियो । त्यसअघि फागुन २० गतेका लागि तय भएको खेलाडी अक्सन भने एनएसइएमले रोकेको थिएन । अक्सनमा रहेका कतिपय खेलाडीको ए डिभिजन क्लबमा आबद्ध रहेकोले दोहोरो सम्झौताले कठिनाई हुने भन्दै न्युरोड टिम (एनआरटी), मनाङ मस्याङ्दी क्लब, थ्री स्टार क्लब र संकटा क्लबले विरोध जनाउँदै आएको थियो ।
यसपटकको एनएसएल आयोजना पछि अहिलेको सम्झौता स्वत खारेज हुने निर्णय भएको कार्यदलका सदस्य समेत रहेका एन्फा उपाध्यक्ष उपेन्द्रमान सिंहले जानकारी दिए । ‘यसपटक एनएसएल आयोजना भएपछि अहिले सम्झौता स्वतः खारेज हुनेछ, उनले भने,‘त्यसपछि एन्फाको नयाँ निर्वाचित हुने कार्यसमितिले फुटबलका सबैपक्षसँग छलफल गरेर नयाँ सम्झौता गर्नेछ ।’
कार्यदलले बुधबार साँझ नै असन्तुष्ट क्लबका पदाधिकारीसँग छलफल गर्ने तयारी भइरहेको पनि सिंहले जानकारी दिए । उनले ‘एनएसएलका सम्बन्धमा क्लबहरुले उठाएको विषय छलफल गरेर एउटा निष्कर्षमा पुग्ने गरि छलफल गर्नेछौं ।’ एनएसइएमका प्रमुख कार्यकारी अधिकृत शर्माले अक्सनमार्फत विक्री भएका खेलाडीका विषयमा फेन्चाइज टोलीले सम्बन्धित ए डिभिजन क्लबसँग आपसी सहमतिमा टुंगाउनुपर्ने बताएका छन् ।
यसपटक एनएसएलमा १० टोलीले प्रतिस्पर्धा गर्दैछन् । यसै वर्ष वैशाख÷ जेठमा भएको एनएसएलको पहिलो संस्करणमा ७ टोलीको सहभागिता थियो । पहिलो संस्करण काठमाडौं रेन्जर्सले जितेको थियो । १० टोलीले नै मार्की खेलाडीसँगै मुख्य प्रशिक्षक यसअघि नै घोषणा गरिसकेका छन् ।
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
December 18, 2025
एजेन्सी – रायन चेर्की र साविन्होको गोलमा म्यानचेस्टर सिटीले ब्रेन्टफोर्डलाई २-० ले हराउँदै लिग कपको सेमिफाइनलमा स्थान बनाएको छ। खेलको ३२औँ मिनेटमा चेर्कीले सानदार गोल गर्दै सिटीलाई अग्रता दिलाए। बक्सको छेउमा बल पाएका उनले डिफेन्डरलाई छलाउँदै गोल गरे। दोस्रो हाफमा ब्रेन्टफोर्डले केही अवसर सिर्जना गरे पनि गोल गर्न सकेन। गोलकिपर जेम्स ट्राफोर्डले क्रिस्टोफर आयर र […]
