काठमाडौं (हाम्रो खेलकुद)– क्रेस्टेन्ट एकेडेमी स्कुल गोदावरी र पुष्पाञ्जली माध्यामिक स्कुलले २१ औं फादर मोरान स्मृती आमन्त्रण फुटबल प्रतियोगितामा २ – २ गोलको बराबरी खेलेका छन् । आइतबारका अन्य खेलमा एपिएफ कीतिपुर र एनके सिंह मेमोरियल स्कुल विजयी भएका छन् ।

क्रेस्टेन्टका सुजन तामाङ र मोहित तामाङले तथा पुष्पाञ्जलीका पुजन महर्जन र प्रसिद्ध रेग्मीले गोल गरे । पुष्पाञ्जलीका प्रसिद्ध प्लेयर अफ दि म्याच घोषित भए । सेन्ट जेभियर्स गोदावरीको आयोजना र नेपाल टेलिकमको प्रायोजनमा भएको प्रतियोगिताको दोश्रो खेलमा नेपाल एपिएफ स्कुल किर्तिपुरले अरुण शाहीको गोलमा ज्वालादेवी विद्यामन्दिर बाँडेगाउलाई १ – ० ले पराजित ग¥यो । अरुण प्लेयर अफ दि म्याच भए ।
‘कम टुगेदर एन्ड प्ले टुगेदर’ भन्ने नाराका साथ गोदावरी एल्मुनाईको सहयोगमा आयोजकको मैदानमा भएको तेश्रो खेलमा मिलन पुवार मगर र प्रशान्त चौधरीको गोलमा एनके सिंह मेमोरियल ईङ्गलीस स्कुलले काभ्या स्कुल, न्यूबानेश्वरलाई २ – ० ले हराएको थियो । प्रशान्त प्लेयर अफ दि म्याच घोषि तभए । प्रतियोगिता लिग कम नकआउटका आधारमा सञ्चालन भइरहेको छ । प्रतियोगितामा १२ स्कुलको सहभागिता रहेको छ ।