मड्रिड (एजेन्सी)– च्याम्पियन्स लिगअन्तर्गत मंगलबार हुने खेलमा बार्सिलोनाको लागि लियोनल मेस्सिले ह्याट्रीक गर्न सके क्रिस्टियानो रोनाल्डोको व्यक्तिगत कीर्तिमान् तोड्ने छन् ।
समूह चरणको खेलमा मंगलबार बार्सिलोनाले जर्मनको बोरुसिया मोन्चेनग्लाबाकको सामना गर्दै छ । त्यस खेलमा मेस्सिले ह्याट्रिक गर्न सके अर्जेन्टिनी फरवार्ड एकै सिजनमा च्याम्पियन्स लिगको समूह चरणका खेलमा सबै भन्दा धेरै गोल गर्ने खेलाडी बन्ने छन् ।
अघिल्लो सिजन ११ गोल गरेका रोनाल्डो एकै सिजनमा च्याम्पियन्स लिगको समूह चरणमा सबै भन्दा धेरै गोल गर्ने खेलाडी बनेका थिए । हाल ९ गोल गरी सकेका मेस्सिले ३ गोल गरे रोनाल्डोको त्यो कीर्तिमान तोड्नेछन् । यो सिजन रोनाल्डोले च्याम्पियन्स लिगको समूह चरणमा २ गोल मात्र गरेका छन् ।
