हाम्रो खेलकुद (एजेन्सी) – कोलम्बियामा भएको हवाईजहाज दुर्घटनामा परेको ब्राजिलियन क्लब चापेकोएन्सीलाइ दक्षिण अमेरिकी फुटबल कन्फडरेशन (कनेम्बल)ले कोपा सुदनामेरिकाको विजेता घोषणा गरेको छ।
कनेम्बलले जारि गरेको विज्ञप्ति अनुसार चापेकोएन्सिले च्याम्पियनको सबै सम्मान र कोपा सुदनामेरिकाको उपाधि जितेको छ भने एत्लेतिको नेसिओनल, मेदेलिनले उपविजेताको पुरस्कार जितेको छ।
कनेम्बलले ‘शतककै फेयर प्ले’ उपाधि भने एत्लेतिको नेसिओनललाइ प्रदान गरेको छ। यस उपधिसंगै कनेम्बलले नासिओनललाइ एक मिलियन डलरपनि प्रदान गर्यो। कनेम्बलले एत्लेतिकोको यो कदमलाई कदर गर्दै ‘शान्ति, सद्भाव र फेअर प्ले’को नमुनाको रुपमा प्रस्तुत गरेकोमा आभार व्यक्त गर्यो।
