क्वालालम्पुर (एएफसी) – एसियन फुटबल महासंघ (एएफसी)ले एएफसी कप २०१७को प्लेअफ र समूह चरणमा पुग्ने टोलीको नाम सार्वजनिक गरेको छ।
आज जारी गरेको एएफसी कपको टाइसिट ड्रमा प्लेअफ क्वालिफाएर्स जित्दै अर्को चरण पुगेको नेपालको थ्री स्टार क्लबको नाम भने छैन। दक्षिण एसियाबाट भारत, माल्दिभ्स र बंगलादेशले एक समूह चरण र एक प्लेअफको स्थान पाएका छन् भने श्रीलंका र भुटानले एक-एक प्लेअफ स्थान पाएका छन्।
एक चरणमा जित हात परिसके पनि दोश्रो चरणमा थ्री स्टारको नाम नहुनुको कारण भने एएफसीले खुलाएको छैन। नेपालमा घरेलु फुटबल नहुनु पनि एक सम्भावना हुन सक्छ तर पहिलो चरण खेलेर छनोट भएको टोलि दोश्रो चरणमा खेल्न नपाउनु आश्चर्यको विषय हो।
एएफसी कपको ड्र डिसेम्बर १३ तारिखमा हुने पक्का भइसकेको छ। यस सम्बन्धमा विस्तृत विवरण आउन बाँकी रहेको छ।
