7 years ago
December 9, 2016
काठमाडौं (हाम्रो खेलकुद)– रुस्लान थ्री स्टार क्लबले समूह चरण पार गरेरपनि एएफसी कप खेल्ने नपाउनुको कारणबारे अखिल नेपाल फुटबल संघ (एन्फा) स्पष्टिकरण मागेको छ । पदाधिकारीले थ्री स्टारको सहभागिता नहुनुमा गल्ति भएको स्वीकार गरेपनि एन्फाले आधिकारी धारणा सार्वजनिक गरेको छैन । एन्फा कार्यसमितिको अहिले जारी बैठकमा पनि थ्री स्टारको विषयमा छलफल भइरहेको बताइएको छ । […]
काठमाडौं (हाम्रो खेलकुद)– रुस्लान थ्री स्टार क्लबले समूह चरण पार गरेरपनि एएफसी कप खेल्ने नपाउनुको कारणबारे अखिल नेपाल फुटबल संघ (एन्फा) स्पष्टिकरण मागेको छ ।
पदाधिकारीले थ्री स्टारको सहभागिता नहुनुमा गल्ति भएको स्वीकार गरेपनि एन्फाले आधिकारी धारणा सार्वजनिक गरेको छैन । एन्फा कार्यसमितिको अहिले जारी बैठकमा पनि थ्री स्टारको विषयमा छलफल भइरहेको बताइएको छ । कात्तिक ८ गते अध्यक्ष नरेन्द्र श्रेष्ठ र एक उपाध्यक्ष मणी कुंवर निर्वाचित भएपछि पहिलो पटक एन्फाको बैठक बसिरहेको छ । एन्फाले आजको बैठकमा रिक्त एक उपाध्यक्ष मनोनय, सहिद स्मारक ए डिभिजन लिग सञ्चालनलगायतका विषयमा छलफल गर्ने गरि एजेन्डा तय गरेको थियो ।
एन्फाको गैर जिम्मेवारीपनाका कारण एएफसी कप २०१७ दोस्रो चरणमा रुस्लान थ्री स्टार क्लबको सहभागिता हुन नसकेको बिहीबार खेलेको थियो । एसियाली फुटबल महासंघ (एएफसी) ले पटक पटक एएफसी कपको दोस्रो चरणमा सहभागी हुने टोलीको विवरण पठाउन एन्फालाई पत्राचार गरेपनि एन्फाले त्यसलाई पूर्ण रुपमा वेवस्ता गरेपछि थ्री स्टार प्रतियोगिता खेल्नबाट बञ्चित भएको हो । यसै बर्षको अगस्टमा मंगोलिया पुगेर थ्रीस्टार समूह चरण विजेता बनेर फर्केको थियो । एन्फा कार्यसमितिका पदाधिकारी र सदस्यलाई समेत बोधार्थ दिएको पत्रमा थ्री स्टारले एएफसी कपको सहभागी टोलीमा नाम नदेख्दा आश्चार्यमा पर्नुका साथै स्तब्ध भएको उल्लेख गरेको छ । थ्री स्टारले एएफसी कप खेल्न नपाउनु क्लबका लागि मात्र नै नेपाली फुटबलकै लागि ठूलो क्षेति भएको पत्रमा उल्लेख गरेको छ । एएफसी कपमा थ्री स्टारको सहभागिताका लागि एन्फाबाट केकस्तो प्रक्रिया अपनाएको त्यसको सत्यतथ्य जानकारी र यस विष्यमा एन्फाको आधिकारिक धारणा समेत माग गरेको छ ।
एन्फा महासचिव धिरेन्द्र प्रधानले आफुहरुबाट ठूलो गल्ति भएको स्वीकार्दै एएफसीमा गरिएको अन्तिम प्रयासको जवाफ पछि आधिकारीक जवाफ दिने आफुलाई बताएको थ्री स्टारका कार्यवहाक अध्यक्ष अरुणमान जोशीले जनाएका छन् । एएफसीले पहिलो पटक नोभेम्बर १४ भित्र क्लब दर्ता गर्न, दोस्रो पटक नोभेम्बर २३ र तेस्रो पटक नोभेम्बर २६ सम्म दर्ता गर्न समय दिएको थियो । तर, त्यसबीचमा एन्फाले न त एएफसीलाई दर्ताका लागि केही जवाफ दियो न त थ्री स्टारलाई खबर गर्यो । एन्फाका अध्यक्ष श्रेष्ठ, प्रमुख कार्यकारी अधिकृत इन्द्रमान तुलाधारले पनि आफुहरुबाट गल्ति भएको स्वीकार गरेका छन् ।
‘एएफसीको वेभसाइटमा एएफसी कपमा नेपालको सहभागिता नदेखेपछि मात्र हामी छक्क पर्यौ, थ्री स्टारका महासचिव सञ्जिव शिल्पकारले भने,‘हामीले पटक पटक एएफसी कपका विषयमा एन्फामा सम्पर्क गरेका थियौं । हरेक पटक केही छैन । पहिलो चरण खेलिसकेले स्वतः दोस्रो चरण दर्ता भइहाल्छ भन्ने जवाफमा पाएका थियो । यो विषयमा एन्फाले जवाफमा दिनुपर्छ ।’
एन्फाले नयाँ अध्यक्ष र एक उपाध्यक्ष पाएको डेढ महिना नवित्दै नेपाली फुटबलको बदनामी हुने गरि पछिल्लो घटना भएको छ । थ्री स्टारको सहभागिता नभएपछि एएफसीले छनोट चरणमा दोस्रो भएको मंगोलियाको टोलीलाई मौका दिएको छ । महाासचिव शिल्पकारका अनुसार एएफसी कपको समूह चरण खेल्न जादा ६० लाख रुपैयाँ भन्दा बढी खर्च भएको जनाएका छन् । ‘एएफसीबाट २० हजार अमेरिकी डलर र एन्फाबाट १० लाख रुपैयाँ पाएका थियौं,’ उनले भने,‘बाँकी क्लबले आन्तरिक व्यवस्थापनबाट जुटाएको थियो । त्यसरी छनोट भएर अहिले खेल्न नपाउनु क्लब र यसका समर्थकका लागि निराशाजनक विषय हो । ’
नवनिर्वाचित अध्यक्ष नरेन्द्र श्रेष्ठले एन्फाको कमजोरी भएको स्वीकारेका छन् । ‘यसमा हाम्रै कमजोरी हो, म यो स्वीकार गर्दैछु’ बिहीबार राती स्वदेश फर्केका श्रेष्ठले भने उनले भने, ‘आजै मेरो एएफसीमा कुरा भएको छ । थ्री स्टारले खेल्न पाउने सम्भावना के छ भनेर सोधेको छु । भोलीसम्म जवाफ आउला तर सम्भावना झिनो देखिन्छ । ’
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]