झापा (हाम्रो खेलकुद) – आयोजक शरणामती फ्रेन्ड्स क्लब प्रथम अन्तर्राष्ट्रिय आमन्त्रण फुटबल प्रतियोगिता शरणामती गोल्ड कपको उपाधि नजिक पुगेको छ । जनता उच्च माविको मैदानमा शुक्रबार कनकाई खेलकुद प्रतिष्ठान (कासा ११) लाई २–० ले हराउँदै आयोजक टोली अन्तिम दुईमा प्रवेश गरेको हो । टोलीलाई जित दिलाउन जय गुरुङ र गणेश हेमैरुम (बुची) ले गोल गरे । रमपम झापा ११ र चर्च ब्वाइज काठमाडौंको विजेतासँग शरणामतीले फाइनल खेल्नेछ ।

जयले एकल प्रयासमा २६ औं मिनेटमा गोल गरेका थिए । गणेशले ५७ औं मिनेटमा गोल गरे । विपक्षी टोलीका गोलकिपर जनम मगर अघि बघि बढेको मौकाको फाइदा उठाउँदै गणेशले हेड गेल गरे । आयोजक टोलीका गोलकिपर योगश प्रसाइले भने उच्च प्रदर्शन गर्नेक्रममा पटक पटक विपक्षीको आक्रमणलाई विफल पारेका थिए । विजयी टोलीका जय खेलको म्यान अफ दी म्याच घोषित भए र उनले २ हजार ५ सय प्राप्त गरे ।
प्रतियोगिताको विजेता टोलीले उपाधि सहित १ लाख १ हजार १ सय ११ रुपैयाँ पाउनेछ । जनता उच्च माविको खेल मैदानमा जारी प्रतियोगिताको दोस्रो हुने टोलीले ६१ हजार १ सय ११ रुपैयाँ प्राप्त गर्नेछ । प्रतियोगिताको म्यान अफ दी सिरिजले १० हजार रुपैयाँ पाउनेछन् भने हरेक खेलको म्यान अफ दी म्याचले २ हजार ५ सय रुपैयाँ प्राप्त गर्नेछन् । त्यस्तै उत्कृष्ट गोलकिपर, रक्षक, मिडफिल्ड र उच्च गोलकर्ताले जनही ५ हजार रुपैयाँ प्राप्त गर्नेछन् ।

शनिबारको दोस्रो सेमिफाइनल
रमपम झापा ११ विरुद्ध चर्च ब्वाइज क्लब, काठमाडौं