झापा (हाम्रो खेलकुद) – चर्च ब्वाइज क्लब, काठमाडौें अन्तर्राष्ट्रिय आमन्त्रण फुटबल प्रतियोगिता शरणामती गोल्ड कपको उपाधि नजिक पुगेको छ । जनता उच्च माविमा शनिबार भएको खेलमा रमपम झापा ११ लाई गृह जिल्लामै १–० ले स्तब्ध पार्दै चर्च ब्वाइज फाइनलमा पुगेको हो ।
चर्च ब्वाइजले मंगलबार हुने फाइनलमा आयोजक शरणामती फ्रेन्ड्स क्लबको सामना गर्नेछ । ४७ औं मिनेटमा चर्च ब्वाइजका अफ्रिकन खेलाडी लावल केर्डिकले गरेको हेड गोल नै खेलको निर्णायक बनेको थियो । झापाले पटक पटक गोल फर्काउने मौका चुकाएको थियो ।
शरणामती फ्रेन्ड्स क्लबको आयोजना हुन प्रतियोगिताको विजेता टोलीले उपाधि सहित १ लाख १ हजार १ सय ११ रुपैयाँ पाउनेछ । जनता उच्च माविको खेल मैदानमा जारी प्रतियोगिताको दोस्रो हुने टोलीले ६१ हजार १ सय ११ रुपैयाँ प्राप्त गर्नेछ ।
प्रतियोगिताको म्यान अफ दी सिरिजले १० हजार रुपैयाँ पाउनेछन् भने हरेक खेलको म्यान अफ दी म्याचले २ हजार ५ सय रुपैयाँ प्राप्त गर्नेछन् । त्यस्तै उत्कृष्ट गोलकिपर, रक्षक, मिडफिल्ड र उच्च गोलकर्ताले जनही ५ हजार रुपैयाँ प्राप्त गर्नेछन् ।
