नियोन (एजेन्सी) – प्रिमियर लिग क्लब आर्सनलले च्याम्पियन्स लिगको नकआउट चरणमा फेरी एकपटक जर्मन च्याम्पियन बायर्न म्युनिखको सामना गर्नुपर्ने भएको छ भने अर्को इङ्लिस टोली म्यानचेस्टर सिटीले मोनाकोको सामना गर्नेछ ।
गत सिजन पनि आर्सनल र बायर्न एउटै समूहमा थिए । घरेलु मैदानमा २–० ले विजयी आर्सनल अवेमा भने ५–१ ले पराजित भएको थियो । सन् २०१२/१३ र २०१३/१४ मा पनि यी दुई टोलीपछि नकआउटको सोही अवस्थामा भेट हुँदा दुवै पटक बायर्न विजयी भएको थियो ।
सोमबार भएको ड्रमा साविक विजेता रियल मड्रिडले सिरिए टोली नापोलीको सामना गर्नेछ । बार्सिलोनाले फ्रान्सेली टोलीका पेरिस सेन्ट जर्मनको सामना गर्नेछ । त्यस्तै लेस्टर सिटीले सेभियाको सामना गर्नेछ । अन्य खेलमा बेनफिकाले बारुसिया डर्टमन्ड, पोर्टोले युभेन्ट्स तथा बायर लेभरकुसनले एट्लेटिको मड्रिडको सामना गर्नेछ । च्याम्पिन्स लिग नकआउट चरणको पहिलो लेग फेब्रुअरी १४ र १५ तथा दोस्रो लेग फेब्रुअरीकै २१ र २२ मा हुनेछ ।
नकआउट चरणमा को को भिड्नछन् ?
म्यानचेस्टर सिटीविरुद्ध मोनाको
रियल मड्रिडविरुद्ध नेपोली
बेनफिकाविरुद्ध बरुसिया डर्टमन्ड
बायर्न म्युनिखविरुद्ध आर्सनल
बायर लेभरकुसन विरुद्ध एट्लेटिको मड्रिड
पोर्टोविरुद्ध युभेन्ट्स
पेरिस सेन्ट जर्मनविरुद्ध बार्सिलोना
सेभियाविरुद्ध लेस्टर सिटी
